અમદાવાદ: અમદવાદમાં ઇસ્કોન હિટ એન્ડ રન ઘટનાને ઝાઝા દિવસો વિત્યા નથી ત્યારે શહેરના ઓઢવ વિસ્તારમાં હિટ એન્ડ રનનો બનાવસામે આવ્યો છે. ઓઢવ વિસ્તારમાં બેફામ કામચાલકે રિક્ષા સહિતના વાહનોને ટક્કર મારી હતી. જેમાં એક વ્યક્તિને ઇજા પહોંચી હતી. અકસ્માતમાં રિક્ષા સવાર એક વ્યક્તિ ઘાયલ થયો હતો.
પ્રાપ્ત વિગતો મુજબ ઓઢવ વિસ્તારમાં બેફામ સ્વીફ્ટ કારચાલકે રિક્ષા સહિત અન્ય વાહનોને ટક્કર મારી હતી. અકસ્માતમાં રિક્ષા સવાર એક વ્યક્તિ ઘાયલ થયો હતો. અકસ્માત બાદ સ્થાનિકોએ કારનો પીછો કર્યો હતો, સ્થાનિકોએ પીછો કરતાં ચાલક કાર મૂકીને ફરાર થઇ ગયો હતો. જ્યારે હાલમાં ઘાયલને હોસ્પિટલ ખસેડાયો છે અને કારચાલકની શોધખોળ શરૂ કરવામાં આવી છે.
નોંધનીય છે કે, બેફામ ડ્રાઇવિંગ સામે પોલીસ દ્વારા કડક કાર્યવાહી હાથ ધરવામાં આવી રહી છે, છતાં બેફામ વાહન હંકારનારાઓને જાણે કાયદાનો કોઇ ડર ન હોય તેવી ઘટનાઓ અવારનવાર સામે આવી રહી છે.
