અમદાવાદ : અમદાવાદ RTO કચેરીમાં ‘એજન્ટ’ને ચાંલ્લો કર્યા વગર RTO કચેરીમાં કોઇ કામ થતા નહી હોવાની વ્યાપક ફરિયાદોને લઈને RTO અને લાયસન્સને લગતા કામે આવેલા વ્યક્તિઓને પૈસાથી લાયસન્સ તથા RTOનું કામ પૂરું કરી આપવાનું કહી ગેરમાર્ગે દોરનાર બે એજન્ટોના વિરુદ્ધમાં રાણીપ પોલીસે ફરિયાદ નોંધી વધુ તપાસ હાથ ધરી છે.
પ્રાપ્ત રિપોર્ટ મુજબ અમદાવાદના સુભાષબ્રિજ ખાતે RTO કચેરીમાં સહાયક મોટર વાહન નિરીક્ષક તરીકે ફરજ બજાવતા ધર્મેશ ગલચર ફરજ પર હાજર હતા.ત્યારે તેમને જાણવા મળ્યું હતું કે વિનય યાદવ અને આશિષ RTO કચેરીની અંદર ફરી લાયસન્સ કઢાવી આપવાનું તથા RTOને લગતું કામ કરી આપવાની લોકોને લાલચ આપી ગેરમાર્ગે દોરી રહ્યા હતા.
જેના પગલે ધર્મેશ ગલચરે રાણીપ પોલીસ સ્ટેશનમાં વિનય યાદવ અને આશિષ નામના બે એજન્ટોના વિરુદ્ધમાં જીપીએ કલમ 135 મુજબ ફરિયાદ નોંધાવતા રાણીપ પોલીસે બંને એજન્ટોમાં વિરુદ્ધમાં ગુનો નોંધી વધુ તપાસ હાથ ધરી છે. અત્રે ઉલ્લેખનીય છે કે અત્યાર સુધી RTOના કર્મચારીઓ દ્વારા ગોઠવણ કરીને આરટીઓના કામ કરી આપવામાં આવતા હોવાની વ્યાપક ફરિયાદો મળી હતી.