અમદાવાદ : શહેરમાં વધતી જતી ટ્રાફિક સમસ્યાને ધ્યાનમાં રાખી AMC દ્વારા રોડ પર ગેરકાયદેસર પાર્કિંગ કરનારા લોકો સામે કડક કાર્યવાહી હાથ ધરે છે. મ્યુનિસિપલ કોર્પોરેશનના એસ્ટેટ વિભાગના અધિકારીઓને ગેરકાયદેસર પાર્કિંગ મામલે મ્યુનિસિપલ કમિશનરે કડક આદેશ આપ્યા છે. શહેરમાં આવેલા તમામ ઝોનમાં ગેરકાયદેસર પાર્કિંગ થતા હોય એવા રોડ નો ડેટા તૈયાર કરવામાં આવશે. રોડ ઉપર ગેરકાયદેસર કેટલી ગાડીઓ પાર્ક થાય છે તેની સંખ્યા સાથે કરી ડેટા તૈયાર કરવા સૂચના અપાઈ છે. જેના આધારે આગામી દિવસોમાં પાર્કિંગ મામલે યોગ્ય આયોજન કરવામાં આવશે.
પ્રાપ્ત રિપોર્ટ મુજબ AMC કમિશનરે ગેરકાયદેસર વાહન પાર્કિંગ મામલે એસ્ટેટ વિભાગના અધિકારીઓને કડક આદેશ આપ્યા છે. લોકો ગમે ત્યાં રોડ ઉપર વાહન પાર્ક કરી દે છે જેના કારણે રોડ પર ચાલવાથી લઈને અવરજવર કરતા વાહનોને પણ તકલીફ પડે છે. આવા ગેરકાયદેસર વાહન પાર્કિંગ કેટલી જગ્યાએ થાય છે અને મહત્વના કયા એવા રોડ આવેલા છે. જ્યાં લોકો સૌથી વધારે વાહનો રોડ ઉપર મૂકી ગેરકાયદેસર પાર્કિંગ કરે છે. આ તમામ બાબતોનો સર્વે કરી અને વાહનોની સંખ્યા સાથેનો ડેટા તૈયાર કરવામાં આવશે. ગેરકાયદેસર પાર્કિંગ મામલે વાહનોને લોક મારી કરવાની સૂચના પણ AMC કમિશનરે આપી છે. જેના માટે 1000 નવા લોક ઝડપથી મેળવીને કડકમાં કડક કરવામાં આવશે.
એસ્ટેટ વિભાગ દ્વારા શહેરમાં રોજના વિવિધ વિસ્તારોમાં 25થી વધુ નો અને લોક મારી તેની સામે કાર્યવાહી કરવામાં આવે છે. હાલમાં રોજના કુલ 300થી વધુ વાહનોને લોક મારવાની કામગીરી કરવામાં આવે છે અને દંડ વસૂલવાની કાર્યવાહી કરાય છે. શહેરમાં આવેલા તમામ ગાડીઓના ગેરેજ અને સર્વિસ સેન્ટરોનો પણ સર્વે કરવામાં આવશે કારણ કે આવા વાહનો પણ રોડ ઉપર વધારે મૂકવામાં આવે છે જેના કારણે વાહન પાર્કિંગ અને ટ્રાફિકની સમસ્યા પણ સર્જાતી હોય છે. મધ્ય ઝોનમાં આવતા જમાલપુર, ભદ્ર, લાલ દરવાજા, ખાડિયા, માણેકચોકના વિસ્તારોમાં પણ સ્વચ્છતા સ્કવોડને અને એસ્ટેટ વિભાગની ટીમને ગેરકાયદેસર દબાણો તેમજ સ્વચ્છતા મામલે કાર્યવાહી કરવા માટેની સુચના પણ સૂચના આપવામાં આવી છે.