અમદાવાદ : અમદાવાદને ગાંધીનગર સાથે જોડવાનો મેટ્રોના બીજા તબક્કાનો પ્રોજેક્ટ પૂર્ણ થયો છે. જેથી અમદાવાદ અને ગાંધીનગર વચ્ચે મેટ્રોનું ટ્રાયલ કરવામાં આવ્યું હતું. GNLU અને ગિફ્ટી સિટી વચ્ચે તથા નરેન્દ્ર મોદી સ્ટેડિયમથી ગાંધીનગર સેક્ટર-1 વચ્ચે આ ટ્રાયલ કરવામાં આવ્યું હતું.
પ્રાપ્ત રિપોર્ટ મુજબ અમદાવાદ-ગાંધીનગર બીજા તબક્કાના પ્રોજેકટમાં ટ્રાયલ રન ફેબ્રુઆરીના છેલ્લા અઠવાડીયાથી તબક્કા વાર રીતે શરૂ કરવામાં આવ્યા છે, જેની શરુઆત GNLU અને સેક્ટર-1 વચ્ચે થઈ હતી. મેટ્રોનું ટ્રાયલ પૂર્ણ થયા બાદ મેટ્રો રેલ સેફ્ટીની ચકાસણી માટે વિનંતી કરવામાં આવશે. જેની મંજૂરી મળ્યા બાદ મે અથવા જૂન મહિનામાં મેટ્રો સેવા શરૂ થવાની સંભાવના છે. ઉલ્લેખનીય છે કે, આ પ્રોજેકટ નરેન્દ્ર મોદી સ્ટેડિયમથી મહાત્મા મંદિર અને ગિફ્ટ સિટી લીંક સુધીનો છે. જે 28 કિલોમીટરનો છે. આ પ્રોજેક્ટમાં કુલ 22 સ્ટેશનને આવરી લેવામાં આવ્યા છે.
ગાંધીનગર મેટ્રો રૂટમાં સ્ટેશનની વાત કરીએ તો કોટેશ્વર રોડ, વિશ્વકર્મા કોલેજ, તપોવન સર્કલ, નર્મદા કેનાલ, કોબા સર્કલ, જુના કોબા, કોબા ગામ, જીએલએલયુ, પીડીઈયુ, ગિફ્ટ સિટી, રાયસણ, રાંદેસણ, ધોળાકૂવા સર્કલ, ઈન્ફોસિટી જેવા અન્ય સ્ટેશનનો સમાવેશ થઈ શકે છે.