અમદાવાદ : નબીરાઓ હવે સોશિયલ મીડિયામાં ફેમસ થવા માટે અલગ અલગ પ્રકારના સ્ટંટ કરી રહ્યા છે. જેનાથી અન્ય લોકોના જીવ જોખમમાં મૂકાય છે. ત્યારે પોલીસ પણ સક્રિય થઈ છે.અમદાવાદમાં વાહન પર સ્ટંટબાજી કરતા યુવાનોની હીરોપંતી પોલીસે ઉતારી દીધી છે. મળતા અહેવાલ પ્રમાણે અમદાવાદમાં બાઈક પર સ્ટંટ કરતો એક વીડિયો સોશિયલ મીડિયામાં વાઈરલ થયો છે. વીડિયોમાં દેખાઈ રહ્યું છે કે બાઈક પર ત્રણ યુવકો સ્ટંટ કરી રહ્યા છે.
સોશિયલ મીડીયામા સ્ટંટ કરતા ટુ-વ્હીલર ઉપર અલગ- અલગ લોકો સ્ટંટ કરતા વિડિયો સોશિયલ મીડીયામા વાયરલ થયો હતો જે બાબતે FIR નોંધીને આરોપીઓની ઘરપકડ કરતી “બી” ટ્રાફિક પોલીસ અમદાવાદ શહેર@sanghaviharsh @GujaratPolice @dgpgujarat @PoliceAhmedabad #AhmedabadPolice pic.twitter.com/d5s9Bb7kHr
— Ahmedabad Police અમદાવાદ પોલીસ (@AhmedabadPolice) March 14, 2024
પ્રાપ્ત રિપોર્ટ મુજબ અમદાવાદના મીઠાખળી અંડર બ્રિજમાં જાહેર રોડ પર 10 માર્ચે રાતના દસ વાગ્યાની આસપાસ ટૂ-વ્હીલર વડે સ્ટંટ કરી લોકોના જીવ જોખમમાં મૂકતા નબીરાઓને વીડિયો વાઇરલ થયો હતો. નબીરાઓ સ્ટંટ કરીને રોડ પર તણખા કરી રહ્યા હતા. આ અંગેનો વીડિયો સોશિયલ મીડિયામાં વાઇરલ થયો હતો.તો બીજી તરફ સોશીયલ મીડિયામાં આ વીડિયો વાયરલ થયા પછી શહેરની બી ડિવિઝન ટ્રાફિક પોલીસે સખ્ત કાર્યવાહી કરી છે. તો બીજી તરફ સ્ટંટ કરનાર શખ્સોની ઓળખ ફૈઝ કુરેશી, મોહમ્મદ સમીર અને નુર મોહમ્મદ તરીકે થઈ છે.
વાઇરલ વીડિયો અંગે બી ડિવિઝન ટ્રાફિક પોલીસે ગુનો નોંધી તપાસ શરૂ કરી હતી. પોલીસે વાહનના નંબરના આધારે ફૈઝ શહીદ કુરેશી, મોહમ્મદ સમીર મોહન અસલમ અને નૂર મોહમ્મદ કુરેશીની ધરપકડ કરી છે. આરોપીઓ તેમના અલગ અલગ ટૂ-વ્હીલર વડે સ્ટંટ કરી રહ્યા હતા. જે બદલ પોલીસે વાહન જપ્ત કરી ધરપકડ કરી છે.