અમદાવાદ : રાજ્યમાં નવી માધ્યમિક અને ઉચ્ચતર માધ્યમિક શાળાઓ શરૂ કરવા માટેની અરજીઓની સંખ્યામાં વધારો જોવા મળ્યો છે. આ વર્ષે નવી ખાનગી સ્કૂલો શરૂ કરવા શિક્ષણ બોર્ડને 426 અરજીઓ મળી છે. આ અરજીઓ ગયા વર્ષ કરતા આ વર્ષે અરજીઓની સંખ્યામાં 69નો વધારો થયો છે. શિક્ષણ બોર્ડને ગયા વર્ષે નવી શાળા શરૂ કરવા માટે 357 અરજીઓ મળી હતી. જયારે આ વર્ષે શિક્ષણ બોર્ડને નવી શાળાઓ શરૂ કરવા માટે મળેલી અરજીઓમાંથી માધ્યમિક શાળાઓ શરૂ કરવા માટે 241 અરજીઓ આવી છે. જ્યારે ઉચ્ચતર માધ્યમિક શાળાઓ શરૂ કરવા માટે 185 અરજીઓ આવી છે.
પ્રાપ્ત રિપોર્ટ મુજબ, દર વર્ષે ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ રાજ્યમાં નવી ખાનગી શાળાઓ શરૂ કરવા સંસ્થાઓ પાસેથી અરજીઓ મગાવવામાં આવતી હોય છે. શિક્ષણ બોર્ડ સમક્ષ અરજી આવ્યા બાદ તેને મંજૂર કે નામંજૂર કરવાનો નિર્ણય કારોબારી સમિતિ દ્વારા તપાસ બાદ લેવામાં આવે છે. દર વર્ષે રાજ્યમાં નવી શાળાઓ શરૂ કરવા માટે મોટી સંખ્યામાં અરજીઓ આવે છે.આ વર્ષે પણ રાજ્યમાં નવી શાળાઓ શરૂ કરવા માટે શિક્ષણ બોર્ડને 426 અરજીઓ મળી છે. જેમાંથી અંગ્રેજી માધ્યમની શાળાઓ શરૂ કરવા માટે સૌથી વધુ એટલે કે લગભગ 60 ટકા અરજીઓ મળી છે. આ વર્ષે રાજ્યમાં નવી શાળાઓ શરૂ કરવા માટેની અરજીઓની સંખ્યામાં વધારો થયો છે.
ચાલુ વર્ષમાં 241 માધ્યમિક શાળાઓ અને 185 ઉચ્ચતર માધ્યમિક શાળાઓ મળી કુલ 426 શાળાઓ શરૂ કરવા અરજીઓ આવી છે. જે પૈકી મોટાભાગની એટલે કે લગભગ 60 ટકા જેટલી અરજીઓ અંગ્રેજી માધ્યમની શાળાઓ શરૂ કરવા માટે મળી છે.ગત વર્ષે બોર્ડને નવી શાળા શરૂ કરવા માટે 357 અરજીઓ મળી હતી. આમ 69 અરજીઓનો વધારો થયો છે. જો છેલ્લા ચાર વર્ષની અરજીઓની સરખામણી કરીએ તો આ વખતે છેલ્લા ચાર વર્ષની સરખામણીમાં વધુ અરજીઓ આવી છે. અગાઉ 2020 માં, શિક્ષણ બોર્ડને નવી શાળાઓ શરૂ કરવા માટે 592 અરજીઓ મળી હતી.
છેલ્લા પાંચ વર્ષમાં નવી શાળા શરૂ કરવા આવેલી અરજી
વર્ષ માધ્યમિક ઉ. માધ્યમિક કુલ
2020 345 247 592
2021 167 120 287
2022 208 141 349
2023 234 123 357
2024 241 185 426