અમદાવાદ : અમદાવાદ શહેરમાંથી ફરી એક વાર દારૂનું કટિંગ ઝડપાયું છે.ક્રાઈમબ્રાંચે લાખોના દારૂના જથ્થા સાથે બે આરોપીઓની ધરપકડ કરી છે. શહેરના વચ્ચોવચ આવેલા ભરચક વિસ્તારમાં દારૂનું કટીંગ અને સ્ટોક મળી આવ્યા છે. PCBએ તાજેતરમાં કાલુપર જેવા ભરચક વિસ્તારમાં દારૂની ગાડી પકડાઈ જેમાં લકઝરી કારનો ઉપયોગ થયો ત્યારે હવે શાહપૂર વિસ્તારમાં ક્રાઈમ બ્રાન્ચે દરોડા કરીને સ્થાનિક પોલીસની બુટલેગર માટેની નિષ્ક્રિયતા સાબિત કરી દીધી છે. અમદાવાદના શાહપુરમાં હવે 3,325 બોટલ પકડાતા સ્થાનિક પોલીસ શંકાના દાયરમાં આવી છે.
પ્રાપ્ત રિપોર્ટ મુજબ સ્થાનિક પોલીસના નાક નીચેથી અમદાવાદ ક્રાઇમ બ્રાન્ચે બાતમીના આધારે શાહપુરના લિસ્ટેડ બુટલેગર રાજેશ ઉર્ફે લાલા ચુનારાના મકાનમાં દરોડા કર્યા હતા, ત્યારે દરોડા દરમિયાન મોટી માત્રામાં દારૂ મળ્યો હતો. આ ઉપરાંત જીવણ કમળશીની પોળ સામે આવેલા મેટ્રો સ્ટેશન પાસેથી લોડીંગ રીક્ષામાંથી પણ ઇંગ્લિશ દારૂના જથ્થા સાથે કિરીટ શાહ અને સુનીલ વાઘેલા નામના બે આરોપીની ધરપકડ કરી છે. આ ઉપરાંત મકાનમાંથી મળેલા દારૂ મામલે રાજેશ રાજપૂત અને પારસ જૈન ફરાર થઈ ગયા હતા. જેને પકડવા પોલીસે તપાસ શરૂ કરી છે.
રાજેશ લિસ્ટેડ બુટલેગર છે. રાજેશ વિરુદ્ધમાં 5થી વધુ ગુના નોંધાયેલા છે, ત્યારે આ વખતે પોલીસે 3252 દારૂની બોટલ કબ્જે કરી છે. જેની કિંમત 4.04 લાખ રૂપિયા છે. આ ઉપરાંત લોડીંગ રીક્ષા કબ્જે કરવામાં આવી છે. ક્રાઈમ બ્રાન્ચે દારૂ સહિત કુલ 5 લાખથી વધુ કિંમતના મુદ્દામાલ સાથે આરોપીઓની ધરપકડ કરી છે.