ધન્ય આજની ઘડી રળિયામણી, સાબરમતીના ધારાસભ્ય હર્ષદ પટેલની વર્ષગાંઠની વધામણી, આજે 60માં વર્ષમાં પંથે આગે કદમ માંડ્યા

અમદાવાદ : શહેરમાં સાબરમતી વિધાનસભાના ધારાસભ્ય ડો. હર્ષદ પટેલનો આજે જન્મદિવસ છે. 13મી સપ્ટેમ્બરના 1965 ના રોજ જન્મેલા 60માં વર્ષમાં પંથે આગે કદમ માંડ્યા છે. 2023માં પાટીદારો પ્રભુત્વ ધરાવતી સાબરમતી બેઠક પરથી ચૂંટણી જીતેલા શ્રી હર્ષદ પટેલ એક કડક અને પ્રમાણિક પદાધિકારી તરીકેની છાપ ધરાવે છે. તેઓનું સંગઠનમાં નોંધપાત્ર યોગદાન છે અને સંગઠનમાં બહોળો અનુભવ ધરાવતા હોવાને કારણે તેઓની ઉત્કૃષ્ટ વહીવટકર્તા તરીકેની ઓળખ પણ છે.

તેઓએ વિદ્યાર્થી પરિષદથી શરૂઆત કરી અને સંઘ સાથે પણ વર્ષોથી સંકળાયેલ છે, તેઓ અમદાવાદ શહેર ભાજપના પુર્વ ઉપપ્રમુખ હતા. આ ઉપરાંત તેઓ મહીસાગર અને અરવલ્લી જિલ્લાના પ્રભારી તરીકેની જવાબદારી સંભાળી ચૂક્યા છે.

તેઓ ગૃહપ્રધાન અમિત શાહના વિશ્વાસુ ગણાય છે, તાજેતરમાં સંપન્ન થયેલ ગાંધીનગર લોકસભાની ચૂંટણીમાં ઇન્ચાર્જ તરીકે જવાબદારી તરીકે નિભાવી હતી. અને ગૃહપ્રધાન અમિત શાહે જ્વલંત વિજય મેળવ્યો હતો.

સાબરમતી બેઠક પર વિજય બાદ ધારાસભ્ય તરીકે અસરકારક કામગીરી માટે જાણીતા છે, જીતના બીજા જ દિવસથી કામમાં જોતરાયા બાદ વધુમાં વધુ લોકો વચ્ચે રહેવું અને સામાન્ય જન સુઘી પહોચવું એ મુખ્ય ધ્યેય હોવાનું તેમના નજીકના લોકો જણાવી રહ્યાં છે.

આ ઉપરાંત તેઓ હાઈકમાનના પ્રીતિ પાત્ર ગણાય છે. તેઓના જન્મદિન નિમિત્તે મિર્ચી ન્યુઝ પરિવાર જન્મદિવસની શુભેચ્છાઓ અને વધુ ઉજ્જવળભાવી માટે શુભકામનાઓ પાઠવે છે…