અમદાવાદ : શહેરમાં અકસ્માતની ઘટનાઓ ખુબ જ વધી રહીં છે, છાસવારે એક નવો અકસ્માત થયા છે અને નિર્દોષ લોકોનો ભોગ લેવાય છે. ફરી એકવાર અમદાવાદ શહેરના બોપલ વિસ્તારમાં હિટ એન્ડ રનની ધટના બની છે. પૂરપાટ ઝડપે આવતા કારચાલકે યુવકને અડફેટે હોવાની ઘટના બની છે. મળતી વિગતો પ્રમાણે અમરત રબારી નામના યુવકને ગંભીર ઇજાઓ પહોંચી હોવાનું જાણવા મળ્યું છે. ‘હિટ એન્ડ રન’ અકસ્માતની સમગ્ર ઘટના CCTV કેમેરામાં કેદ થઈ છે.
પ્રાપ્ત રિપોર્ટ મુજબ, અમદાવાદના બોપલમાં આવેલા સ્વસ્તિક વિવંતા રોડ ઉપર અમરત રબારી નામના યુવકને આ બેફામ કારચાલકે અડફેટે લીધો છે.બેફામ કાર ચાલકે જાહેર રોડ પર જ યુવકને અડફેટે લેતા યુવકને ગંભીર ઈજાઓ પહોંચી છે. ત્યારે અકસ્માત સર્જનાર કારચાલક પણ હાલમાં ફરાર થઈ ગયો છે અને અકસ્માતની સમગ્ર ઘટના સીસીટીવી કેમેરામાં કેદ થઈ ગઈ છે. આ સમગ્ર મામલે બોપલ પોલીસે ગુનો નોંધીને આરોપીની શોધખોળ હાથ ધરી છે. ત્યારે ઈજાગ્રસ્ત થયેલા વ્યક્તિને હાલમાં વધુ સારવાર માટે હોસ્પિટલમાં ખસેડવામાં આવ્યો છે.
નોંધનીય છે કે, અકસ્માત સર્જી કારચાલક ફરાર ઘટના સ્થળ પરથી ફરાર થઈ ગયો છે. જો કે, ઘટનાની જાણ થતા બોપલ પોલીસ ઘટના સ્થળ પર દોડી આવી હતી અને તપાસ શરૂ કરી હતી. અત્યારે બોપલ પોલીસે આરોપીની શોધખોળ કરવાની કાર્યવાહી હાથ ધરી છે. જો કે, હજી સુધી તેની કોઈ સંભાળ મળી નથી, પરંતુ પોલીસે કહ્યું કે, ટૂંક સમયમાં જ આરોપીને ઝડપી પાડવામાં આવશે.ઘટનામાં ઘાયલ યુવક અત્યારે હોસ્પિટલમાં સારવાર લઈ રહ્યો છે.
