Monday, November 23, 2026

અમદાવાદમાં એનિમલ ફિલ્મ જેવો કિસ્સો, બહેનને હેરાન કરતા શખ્સને ડરાવવા સગીરે તમંચો ખરીદ્યો અને પછી…

spot_img
Share

અમદાવાદ : આજના યુવાનોમાં કહેવાય છે કે ફિલ્મો પોતાની અસર છોડી જાય છે, તેવો જ એક કિસ્સો બોલિવૂડની એનિમલ ફિલ્મ જેવો પ્રકાશમાં આવ્યો છે, જેમાં ફિલ્મમાં હીરો રણબીર સિંઘ જે સ્કૂલમાં અભ્યાસ કરતો હતો અને તેની મોટી બહેનને કોલેજમાં કોઈ યુવક હેરાન કરતો હોવાથી તે કોલેજમાં ગન લઈને ફાયરિંગ કરતો જોવા મળ્યો હતો, એનિમલ ફિલ્મની જેમ જ અમદાવાદનાં પૂર્વ વિસ્તારમાં પણ આવો જ એક કિસ્સો સામે આવ્યો છે. જેમાં એક 17 વર્ષનાં સગીરની બહેનને થોડા મહિનાઓ પહેલા એક વ્યક્તિ સોશિયલ મીડિયા પર હેરાન કરતો હતો, જેથી તે યુવક સાથે સગીરને ઝઘડો થયો અને તે યુવકને પાઠ ભણાવવા માટે પોતાના વતનમાં જઈને દેશી તમંચો લઈ આવ્યો.

પ્રાપ્ત રિપોર્ટ મુજબ, ઓઢવ પોલીસે બાતમીના આધારે અમરનગર ગેટ પાસેથી એક સગીરને દેશી તમંચો અને ચાર જીવતા કારતૂસ સાથે ઝડપી પાડ્યો હતો. પોલીસે તેની પાસેથી દેશી તમંચા સહિત કુલ રૂ.10 હજારનો મુદ્દામાલ કબજે લીધો છે. સગીરની પૂછપરછમાં જાણવા મળ્યું હતું કે તે સાત મહિના પહેલા એક લગ્ન પ્રસંગમાં મધ્ય પ્રદેશ ગયો હતો, જ્યાં તેણે એક શખ્સ પાસેથી રૂ.700માં દેશી તમંચો ખરીદ્યો હતો. જે પોલીસે જપ્ત કરી પુછપરછ શરૂ કરી હતી.

સગીરની ઉંમર 17 વર્ષ જ હોવાથી પોલીસે તેનાં માતાપિતાની હાજરીમાં હથિયાર અંગે પુછતા તેણે જણાવ્યું હતું કે તેની ફોઈની દિકરીને માર્ચ 2025માં કોઈ યુવક સોશિયલ મીડિયા પર હેરાન કરતો હતો, જે બાબતની તેની બહેને તેને જાણ કરી હતી, જેથી સગીરે તે યુવક સાથે બોલાચાલી થઈ હતી, જેની અદાવત રાખીને સગીર 7 મહિના પહેલા વતનમાં લગ્નમાં ગયો ત્યારે આ દેશી તમંચો લઈ આવ્યો હતો અને તે યુવકને ડરાવવા માટે પોતાનાં સોશિયલ મીડિયા પર દેશી તમંચા સાથે રીલ્સ બનાવી અપલોડ કરતો હતો.

પોલીસે જ્યારે તેને ઘરેથી પકડ્યો ત્યારે પણ તે જડેશ્વર ગાર્ડન ખાતે હથિયાર સાથે રીલ્સ બનાવવા જઈ રહ્યો હતો, તેવામાં હાલ તો ઓઢવ પોલીસે આ મામલે સગીર સામે આર્મસ એક્ટ હેઠળ ગુનો દાખલ કરી વધુ તપાસ શરૂ કરી છે.

વધુ વાંચો

સ્થાનિક સમાચાર

ભાજપનું નૂતન વર્ષ સ્નેહમિલન યોજાયું, CM ભૂપેન્દ્ર પટેલે કાર્યકરોને આપ્યો ખાસ સંદેશ, 22 નવેમ્બરે મોટું આયોજન

ગાંધીનગર : દિવાળી અને નવા વર્ષના પર્વ નિમિત્તે ગુજરાત ભાજપ દ્વારા આજે પ્રદેશ કક્ષાના સ્નેહમિલન સમારોહનું આયોજન કરવામાં આવ્યું હતું. ગાંધીનગર ખાતે ભાજપના પ્રદેશ...

અંબાજી-આબુ જતા વાહનચાલકો ધ્યાન આપો! PM મોદીની મુલાકાતને પગલે 13-14 નવેમ્બર સુધી આ માર્ગો રહેશે બંધ, જાણો વૈકલ્પિક રૂટ

અંબાજી : વડાપ્રધાન નરેન્દ્ર મોદી 13 અને 14 નવેમ્બરના રોજ ગુજરાતના પ્રવાસે આવી રહ્યા છે. આ દરમિયાન તેઓ બનાસકાંઠાના પ્રસિદ્ધ યાત્રાધામ અંબાજીની મુલાકાત લેશે....

PM મોદી 13 અને 14 નવેમ્બરે ગુજરાતના પ્રવાસે : લાભ પાંચમે અંબાજી ખાતે માતાજીનાં દર્શન કરી પૂજા-અર્ચના કરશે

અંબાજી : વડાપ્રધાન નરેન્દ્ર મોદી આગામી 13 અને 14 નવેમ્બરના રોજ ગુજરાતના બે દિવસીય પ્રવાસે આવી રહ્યા છે. આ બે દિવસીય પ્રવાસ દરમિયાન તેઓ...

ગાંધીનગરમાં ગિફ્ટ સિટી નજીક મેટ્રો ટ્રાયલ રનમાં ‘બ્રેક’, કેમ અચાનક અટકી કામગીરી?

ગાંધીનગર : GMRC સંચાલિત મેટ્રો રેલ પ્રોજેક્ટના ટ્રાયલ રન દરમિયાન અચાનક એક મોટી ટેકનિકલ ક્ષતિ સર્જાવાની ઘટના સામે આવી છે.શુક્રવારે (નવમી ઓક્ટોમ્બર) સવારે ગાંધીનગરમાં...

ભાદરવી પૂનમના મહામેળાનો આજે છેલ્લો દિવસ; 40 લાખનો આંકડો પાર, જય અંબેના નાદથી ગુંજી ઊઠ્યું અંબાજી

અંબાજી : શક્તિ, ભક્તિ અને આસ્થાના મહાકુંભ સમાન ભાદરવી પૂનમના ભાદરવી મહામેળાની આજે ભવ્ય પૂર્ણાહુતિ થઈ રહી છે. સાત દિવસીય મેળાના અંતિમ દિવસે વહેલી...

ભાદરવી પૂનમ મહામેળાના બીજા દિવસે અંબાજીમાં ભક્તોનો અવિરત પ્રવાહ, 4.25 લાખથી વધુ માઈભક્તો દર્શનાર્થે

અંબાજી : અંબાજીમાં ભાદરવી પૂનમના મહામેળાનો આજે બીજો દિવસ છે. મહામેળાના બીજા દિવસે પણ અંબાજીમાં મોટી સંખ્યામાં માઈભક્તો ઉમટી રહ્યા છે. વહેલી સવારથી જ...

ભાદરવી પૂનમ મહામેળાના પ્રથમ દિવસે ‘જય અંબે’ના જયઘોષથી ગુંજી ઉઠ્યું અંબાજી, 4.5 લાખ શ્રદ્ધાળુઓએ કર્યા દર્શન

અંબાજી : આસ્થા,ભક્તિ અને શક્તિના પવિત્ર ત્રિવેણી સંગમ સમા જગતજનની મા અંબાના પાવન ધામ અંબાજી ખાતે આજથી પરંપરાગત અને વિશ્વપ્રસિદ્ધ ભાદરવી પૂનમ મહામેળો-2026નો ભવ્ય...

જન્માષ્ટમી પર્વે સોમનાથ મહાદેવને અલૌકિક ‘કૃષ્ણ દર્શન શૃંગાર’ કરાયો ; 2 કરોડના સુવર્ણ મુગટથી મહાદેવને કરાયા અલંકૃત

સોમનાથ : પ્રથમ જ્યોતિર્લિંગ એવા ગીર સોમનાથ સ્થિત શ્રી સોમનાથ મહાદેવ મંદિરમાં જન્માષ્ટમીના પાવન પર્વ નિમિત્તે અત્યંત અલૌકિક અને મનમોહક ‘કૃષ્ણ દર્શન શૃંગાર’ કરવામાં...