મદાવાદ : અમદાવાદ ક્રાઈમ બ્રાંચે ઓનલાઇન એસ્કોર્ટ સર્વિસ સામે મોટી કાર્યવાહી કરી છે. ક્રાઈમ બ્રાંચે 120 જેટલા એકાઉન્ટ હોલ્ડર સામે ફરિયાદ નોંધી છે. યુવતીઓના ફોટો અને મોર્ફ કરેલા ન્યૂડ ફોટાનો ઉપયોગ કરી પુરુષોને આકર્ષતા અને તેમની સાથે છેતરપિંડી પણ કરતા હોવાનું સામે આવ્યું છે. જે અંગે ક્રાઈમ બ્રાંચે ગુનો નોંધી વધુ કાર્યવાહી શરૂ કરી છે. ઓનલાઇન એસ્કોર્ટ સર્વિસ ચલાવતા 120 સોશિયલ મીડિયા એકાઉન્ટ પર અમદાવાદ ક્રાઈમ બ્રાન્ચે કાર્યવાહી કરી છે.
પ્રાપ્ત રિપોર્ટ મુજબ, અમદાવાદ ક્રાઈમ બ્રાંચે ઓનલાઇન એસ્કોર્ટ સર્વિસ સામે મોટી કાર્યવાહી કરી છે. જેમાં ઈન્સ્ટાગ્રામ,ફેસબુક, ટ્વીટર(X) સહિતમાં 120 જેટલા એકાઉન્ટ સામે ફરિયાદ કરવામાં આવી છે.આ તમામ એકાઉન્ટ અમદાવાદથી અને આસપાસથી ચાલતા હોવાનું જાણવા મળ્યું છે. કેટલાક એકાઉન્ટ દ્વારા કલાક દીઠ ભાવ આપીને લોકોને ખોટા ફોટાથી આકર્ષીને UPI આઇડીથી પૈસા પડાવવામાં આવે છે.AI મારફતે પણ ફોટો બનાવી સોશિયલ મીડિયામાં ફોટો મૂકીને લોકોને છેતરાવામાં આવી રહ્યા છે.
ક્રાઈમ બ્રાન્ચે દ્વારા સોશિયલ મીડિયામાં મોનીટરીંગ કરીને છેલ્લા ત્રણ મહિનામાં સોશિયલ મીડિયાના અલગ અલગ પ્લેટફોર્મ પર ચાલી રહેલા એસ્કોર્ટ સર્વિસ અંગે તપાસ હાથ ધરી હતી.આ તપાસ દરમિયાન કેટલાક એકાઉન્ટ ખોટા હોવાનું પણ સામે આવ્યું હતું જે યુવતીના ખોટા ફોટો અને મોર્ફ કરેલા ન્યૂડ ફોટાનો ઉપયોગ કરીને ગ્રાહકોને આકર્ષી પૈસા પડાવતા હતા.
મહત્વનું છે કે મહિલાઓના ડિજિટલ શોષણ વિરુદ્ધ ક્રાઈમ બ્રાન્ચને મળેલી માહિતીના આધારે ક્રાઈમ બ્રાન્ચે તપાસ શરૂ કરી હતી. જે તપાસમાં આવા 120 જેટલા એકાઉન્ટ સામે આવતા તેના વિરુદ્ધ ગુનો નોંધી કાર્યવાહી કરવામાં આવી રહી છે. ઉપરાંત ભોગ બનનાર વ્યક્તિઓ પણ ફરિયાદ ન કરતા હોવાનું સામે આવતા પોલીસે આ અંગે સરકાર તરફે ગુનો દાખલ કરી તપાસ શરૂ કરી છે.