Tuesday, November 17, 2026

નારણપુરાની આ સોસાયટીમાં રખડતા શ્વાનનો આતંક, કંટાળેલા રહીશોએ લગાવ્યા ચેતવણીના બેનર, તંત્ર ક્યારે જાગશે?

spot_img
Share

અમદાવાદ : શહેરના નારણપુરા વિસ્તારમાં આવેલી અણમોલ ટાવર સોસાયટીમાં રખડતા શ્વાનનો ત્રાસ વધતાં રહીશો પરેશાન થઈ ગયા છે. સોસાયટીમાં શ્વાનના કરડવાની અનેક ઘટનાઓ બની હોવાના આક્ષેપ વચ્ચે હવે રહીશોએ લોકોને સાવચેત કરવા અનોખો રસ્તો અપનાવ્યો છે. સોસાયટીના ગેટ પર જ ‘અમારી સોસાયટીના શ્વાન કરડે છે’ તેવી ચેતવણી લગાવવામાં આવી છે. સોસાયટીના રહીશોએ AMC માં CCTV ફૂટેજ સાથે અનેક વખત રજૂઆત કરી હોવા છતાં સમસ્યાનું નિરાકરણ ન આવતાં લોકોમાં રોષ જોવા મળી રહ્યો છે.

રિપોર્ટ મુજબ, શહેરના નારણપુરા વિસ્તારમાં આવેલ ટેલિફોન એક્સચેન્જ પાસે આવેલ અણમોલ ટાવરના રહીશોએ સોસાયટીના પ્રવેશદ્વાર પર ચેતવણીનું બોર્ડ લગાવ્યું છે. તેમાં સોસાયટીના શ્વાન કરડતા હોવાનો ઉલ્લેખ કરીને લોકોને સાવચેત રહેવા અપીલ કરવામાં આવી છે. સામાન્ય રીતે સોસાયટીમાં સ્વાગત કે સૂચનાનાં બોર્ડ જોવા મળે છે, પરંતુ અહીં શ્વાનથી સાવધાન રહેવા માટે બોર્ડ લગાવવાની સ્થિતિ ઊભી થઈ છે.

રહીશોનો આક્ષેપ છે કે સોસાયટીમાં રખડતા શ્વાનના ત્રાસને કારણે અનેક લોકોને કરડવાની ઘટનાઓ બની છે. આ પરિસ્થિતિને કારણે લોકોમાં ડરનો માહોલ છે. શ્વાનના ભયથી કેટલાક રહીશો ઘરની બહાર નીકળવાનું પણ ટાળી રહ્યા હોવાનું જાણવા મળ્યું છે.આ સમસ્યાને કારણે બાળકો સાંજે રમવા કે સાઇકલ ચલાવવા માટે નીચે ઉતરતાં પણ ડરે છે. સવારે અને સાંજે વોક કરવા નીકળતા રહીશોની પાછળ પણ શ્વાન દોડે છે.

ડિલિવરી કર્મચારીઓ પણ સોસાયટીમાં આવતા ડરે છે – રખડતા શ્વાનના ત્રાસને કારણે સોસાયટીમાં રહેતા લોકો ઉપરાંત બહારથી આવતા લોકો પણ પરેશાન છે. રહીશોના જણાવ્યા મુજબ, ડિલિવરી અને પાર્સલ આપવા આવતા કર્મચારીઓ પણ સોસાયટીમાં આવવાનું ટાળે છે. ટ્યુશન માટે આવતા બાળકોની પાછળ પણ શ્વાન દોડતા હોવાની ઘટનાઓ સામે આવી છે.

છેલ્લા પાંચ વર્ષથી તેઓ આ સમસ્યાનો સામનો કરી રહ્યાં છે. આ અંગે AMCમાં અનેક વખત રજૂઆત કરવામાં આવી છે. શ્વાન બાળકોની પાછળ દોડતા હોવાના CCTV ફૂટેજ પણ કોર્પોરેશનને આપવામાં આવ્યા છે. તેમ છતાં શ્વાનને પકડવા કે સમસ્યાનો ઉકેલ લાવવા કોઈ અસરકારક કાર્યવાહી થઈ ન હોવાનો રહીશોનો આક્ષેપ છે. હવે સોસાયટીના રહીશોએ AMC પાસે વહેલી તકે આ સમસ્યાનું નિરાકરણ લાવવાની માંગ કરી છે.

વધુ વાંચો

સ્થાનિક સમાચાર

ભાજપનું નૂતન વર્ષ સ્નેહમિલન યોજાયું, CM ભૂપેન્દ્ર પટેલે કાર્યકરોને આપ્યો ખાસ સંદેશ, 22 નવેમ્બરે મોટું આયોજન

ગાંધીનગર : દિવાળી અને નવા વર્ષના પર્વ નિમિત્તે ગુજરાત ભાજપ દ્વારા આજે પ્રદેશ કક્ષાના સ્નેહમિલન સમારોહનું આયોજન કરવામાં આવ્યું હતું. ગાંધીનગર ખાતે ભાજપના પ્રદેશ...

અંબાજી-આબુ જતા વાહનચાલકો ધ્યાન આપો! PM મોદીની મુલાકાતને પગલે 13-14 નવેમ્બર સુધી આ માર્ગો રહેશે બંધ, જાણો વૈકલ્પિક રૂટ

અંબાજી : વડાપ્રધાન નરેન્દ્ર મોદી 13 અને 14 નવેમ્બરના રોજ ગુજરાતના પ્રવાસે આવી રહ્યા છે. આ દરમિયાન તેઓ બનાસકાંઠાના પ્રસિદ્ધ યાત્રાધામ અંબાજીની મુલાકાત લેશે....

PM મોદી 13 અને 14 નવેમ્બરે ગુજરાતના પ્રવાસે : લાભ પાંચમે અંબાજી ખાતે માતાજીનાં દર્શન કરી પૂજા-અર્ચના કરશે

અંબાજી : વડાપ્રધાન નરેન્દ્ર મોદી આગામી 13 અને 14 નવેમ્બરના રોજ ગુજરાતના બે દિવસીય પ્રવાસે આવી રહ્યા છે. આ બે દિવસીય પ્રવાસ દરમિયાન તેઓ...

ગાંધીનગરમાં ગિફ્ટ સિટી નજીક મેટ્રો ટ્રાયલ રનમાં ‘બ્રેક’, કેમ અચાનક અટકી કામગીરી?

ગાંધીનગર : GMRC સંચાલિત મેટ્રો રેલ પ્રોજેક્ટના ટ્રાયલ રન દરમિયાન અચાનક એક મોટી ટેકનિકલ ક્ષતિ સર્જાવાની ઘટના સામે આવી છે.શુક્રવારે (નવમી ઓક્ટોમ્બર) સવારે ગાંધીનગરમાં...

ભાદરવી પૂનમના મહામેળાનો આજે છેલ્લો દિવસ; 40 લાખનો આંકડો પાર, જય અંબેના નાદથી ગુંજી ઊઠ્યું અંબાજી

અંબાજી : શક્તિ, ભક્તિ અને આસ્થાના મહાકુંભ સમાન ભાદરવી પૂનમના ભાદરવી મહામેળાની આજે ભવ્ય પૂર્ણાહુતિ થઈ રહી છે. સાત દિવસીય મેળાના અંતિમ દિવસે વહેલી...

ભાદરવી પૂનમ મહામેળાના બીજા દિવસે અંબાજીમાં ભક્તોનો અવિરત પ્રવાહ, 4.25 લાખથી વધુ માઈભક્તો દર્શનાર્થે

અંબાજી : અંબાજીમાં ભાદરવી પૂનમના મહામેળાનો આજે બીજો દિવસ છે. મહામેળાના બીજા દિવસે પણ અંબાજીમાં મોટી સંખ્યામાં માઈભક્તો ઉમટી રહ્યા છે. વહેલી સવારથી જ...

ભાદરવી પૂનમ મહામેળાના પ્રથમ દિવસે ‘જય અંબે’ના જયઘોષથી ગુંજી ઉઠ્યું અંબાજી, 4.5 લાખ શ્રદ્ધાળુઓએ કર્યા દર્શન

અંબાજી : આસ્થા,ભક્તિ અને શક્તિના પવિત્ર ત્રિવેણી સંગમ સમા જગતજનની મા અંબાના પાવન ધામ અંબાજી ખાતે આજથી પરંપરાગત અને વિશ્વપ્રસિદ્ધ ભાદરવી પૂનમ મહામેળો-2026નો ભવ્ય...

જન્માષ્ટમી પર્વે સોમનાથ મહાદેવને અલૌકિક ‘કૃષ્ણ દર્શન શૃંગાર’ કરાયો ; 2 કરોડના સુવર્ણ મુગટથી મહાદેવને કરાયા અલંકૃત

સોમનાથ : પ્રથમ જ્યોતિર્લિંગ એવા ગીર સોમનાથ સ્થિત શ્રી સોમનાથ મહાદેવ મંદિરમાં જન્માષ્ટમીના પાવન પર્વ નિમિત્તે અત્યંત અલૌકિક અને મનમોહક ‘કૃષ્ણ દર્શન શૃંગાર’ કરવામાં...