અમદાવાદ : અમદાવાદ શહેરમાં યોજાનારી મેચ પહેલા ક્રાઇમ બ્રાન્ચ પોલીસે મોટી કામગીરી કરી છે. ટીવી અહેવાલો મુજબ ક્રાઇમ બ્રાન્ચ પોલીસે ચાર કાશ્મીરી યુવકોની અટકાયત કરી છે. આ કશ્મીરી યુવકોની શંકાસ્પદ પ્રવૃત્તિના આધારે અટકાયત કરવામાં આવી છે. આ યુવકોની સ્ટેડિયમ પાસેથી જ ક્રાઇમ બ્રાન્ચે અટકાયત કરી છે. કોઈ ગુનાહિત પ્રવૃત્તિ અજામ આપે તે પહેલાં જ તેમને ક્રાઇમ બ્રાંચે ઝડપી પાડ્યા છે.
ભારત અને ન્યુઝીલેન્ડ વચ્ચે ત્રીજી અને છેલ્લી T20 મેચ આવતીકાલ 1 ફેબ્રુઆરીએ અમદાવાદના નરેન્દ્ર મોદી સ્ટેડિયમ રમાવાની છે. જો કે આ પહેલા આજે મોડી રાત્રે ચાર શંકાસ્પદ કશ્મીરી યુવકોને અમદાવાદ ક્રાઇમ બ્રાન્ચે ઝડપી લીધા છે. આ ચાર શખ્સોને સ્ટેડિયમ પાસેથી શંકાસ્પદ પ્રવૃત્તિના આધારે ઝડપી લેવામાં આવ્યા છે. આ ચારેય યુવકો કોઇ ગુનાહિત પ્રવૃત્તિને અંજામ આપે તે પહેલા જ તેમની ધરપકડ કરવામાં આવી છે. આ યુવકો સ્ટેડિયમ શા માટે આવ્યા હતા તે અંગે ક્રાઇમ બ્રાંચે યુવકોની પુછપરછ હાથ ધરી છે.
મેચને લઇને અમદાવાદ સ્ટેડિયમની બહાર પોલીસનો ચુસ્ત બંદોબસ્ત ગોઠવી દેવામાં આવ્યો છે. જો કે આ પહેલા ચાર શંકાસ્પદ કાશ્મીરી યુવકોની ધરપકડથી પોલીસ વધુ એલર્ટ બની ગઇ છે. કોઇ અનિચ્છનીય ઘટના ન બને તે માટે પોલીસ એક્શન મોડ પર જોવા મળી રહી છે.
