અમદાવાદ : શહેરના ગ્રામ્યનાં બોપલ પોલીસ સ્ટેશનમાં ઠગ દંપતિ સામે ફરીયાદ નોંધાઈ છે. આરોપીએ ભેગા મળી પોતાનો કરોડો રૂપિયાની કિંમતનો બંગ્લો અને ફ્લેટ વેચવાના નામે બે અલગ અલગ લોકો પાસેથી કરોડો રૂપિયા લઈને છૂમંતર થઈ ગયા હતા. મહત્વનું છે કે એક જ દિવસમાં આ મામલે બે ફરિયાદ નોંધાતા પોલીસે ઠગ દંપતિને શોધવાની તજવીજ તેજ કરી છે.
પ્રાપ્ત રિપોર્ટ મુજબ પાટણમાં રહેતા દેવચંદ પટેલને અમદાવાદમાં બંગ્લો લેવાનો હતો. જેથી બોપલની સ્કાય સિટીમાં ચિંતન શાહ અને હિરવા શાહની માલિકીનો સાડા નવ કરોડની કિંમતના બંગલાનું નોટરાઈઝ બાનાખત કરાવી 2.23 કરોડ રૂપિયા લઈ લીધા હતા. થોડા સમય બાદ ફરિયાદીએ દંપતિનો સંપર્ક કરતા ફોન બંધ આવ્યો ત્યારે તેઓને જાણ થઈ કે બન્ને દંપતિ મકાનનો પાવર ઓફ એટર્ની પોતાના માતાના નામે કર્યો હતો. જે બાદ તે બંગ્લો અન્યને રજીસ્ટર દસ્તાવેજ કરી આપી છેતરપીંડી આચરી હતી.
આ ઠગ દંપત્તિએ વેજલપુરમાં આવેલા આશા કીરણ એપાર્ટમેન્ટમાં ઈશ્વર દેસાઈ જેઓ ચિંતન શાહના પાડોશી હતા.ની પાડોશમાં રહેતા હતા. ચિંતન શાહે તેઓને બોપલમાં સફલ ગાલા રીયલ્ટીમાં આવેલો ફ્લેટ 60 લાખમાં વેચવાનું કહીને ટુકડે ટુકડે 30 લાખ પડાવ્યા હતા. ફરિયાદીએ દસ્તાવેજ માટે કહેતા ચિંતન શાહ બહાના બતાવતો હતો બાદમાં નવેમ્બરમાં દસ્તાવેજ કરી આપવાનું કહીને પતિ-પત્ની ફરાર થઈ ગયા હતા. જે બાદ ફરિયાદીને જાણ થઈ હતી કે આ દંપતિએ તેમને વેચેલા ફ્લેટનો દસ્તાવેજ યતેન્દ્ર શાહ નામનાં વ્યક્તિને કરી આપ્યો છે. જેથી આ મામલે બોપલમાં ફરિયાદ નોંધાઈ હતી.
