અમદાવાદ : અમદાવાદની ઓળખ સમી પતંગ હોટેલ હવે નવા રંગરુપ સાથે જોવા મળી રહી છે.અમદાવાદની આગવી ઓળખ બનેલી પતંગ હોટલને પુર્નજીવિત કરવાના અભિગમ સાથે ધર્મદેવ ગ્રુપ પતંગ રેસ્ટોરન્ટ નવા સ્વરૂપે શરૂ કરી છે. બોલીવુડ સુપર સ્ટાર સુનિલ શેટ્ટીના વરદ હસ્તે પતંગ રેસ્ટોરન્ટનો ફરીથી શુભારંભ કરાયો.
અમદાવાદની ઓળખ સમાન પતંગ હોટલનું ગ્રાન્ડ રિઓપનિંગ કરાયું છે. આ પ્રસંગે દૂબઈની જેમ ભવ્ય આતશબાજી કરાઈ હતી. 4 વર્ષના બ્રેક દરમ્યાન પતંગ હોટલનું રિનોવેશન હાથ ધરાયુ હતું.મંગળવારે એક્ટર સુનિલ શેટ્ટીના હસ્તે નવી પતંગ હોટલનું ઓપનિંગ કરાયું હતું. જુઓ પતંગ હોટલના ભવ્ય આતશબાજીનો Video
View this post on Instagram
રિપોર્ટ મુજબ ફરતી પતંગ હોટલમાં એકદમ ઉપરના ભાગે કોઈપણ બે વ્યક્તિ આરામથી બેસી શકે તે માટે કપલ સીટીંગ એરેન્જમેન્ટ કરવામાં આવ્યું છે. હવે કોઈપણ વ્યક્તિ સમગ્ર અમદાવાદ સાક્ષીમાં પોતાના મનગમતા વ્યક્તિને પ્રપોઝ કરી શકશે.ટૂંક સમયમાં જ અહીં કપલ ગેલેરી ખુલ્લી મુકવામાં આવશે.
અહીં સંપૂર્ણ વેજીટેરીયન રેસ્ટોરન્ટ તરીકે ગુણવત્તાનાં તમામ માપદંડોમાં સર્વશ્રેષ્ઠ રહેનાર પતંગ નવા અવતારમાં ખૂબ અનોખા રીચ મેનુ, ક્યુસન, ઈન્ટીરીયર તથા પારંપરિક હોસ્પિટાલીટી સાથે અમદાવાદીઓને લિજ્જત આપશે.
ગુજરાતનાં તમામ નાના મોટા N.G.0ને સાથે રાખી ત્યાંના બાળકો, વૃધ્ધો તથા સૌને પતંગનો લાભ વિનામૂલ્યે મળી શકે તેવી વ્યવસ્થા કરાવાઇ છે. ભોજનની સાથે આ અનુભવનું સંભારણું કાયમ માટે બંધાય તેવી વ્યવસ્થા અહીં મળી રહેશે.