અમદાવાદ : કેન્દ્રીય ગૃહ પ્રધાન અમિત શાહ અમદાવાદની મુલાકાતે છે. આજે વિક્રમ સંવત નવા વર્ષ નિમિત્તે કેન્દ્રીય ગૃહ અને સહકારિતામંત્રી અમિત શાહે પરિવાર સાથે ઉજવણી કરી હતી. અમદાવાદના થલતેજ વિસ્તારમાં તેમના નિવાસસ્થાને નેતાઓ અને કાર્યકર્તાઓ સાથે અમિત શાહે મુલાકાત કરી નવા વર્ષની શુભેચ્છાઓ પાઠવી હતી.સ્નેહમિલન કાર્યક્રમમાં મોટી સંખ્યામાં કાર્યકરો જોડાયા હતા.બે કલાક સુધી તમામ નાના બાળકોથી લઇ વડીલ કાર્યકર્તાઓને કેન્દ્રીય ગૃહમંત્રીએ નવા વર્ષની શુભેચ્છા પાઠવી હતી.
કેન્દ્રીય ગૃહ પ્રધાન અમિત શાહ આ વર્ષે દિવાળીના પર્વ પર અમદાવાદમાં છે. તેમણે આ વર્ષે દિવાળીની ઉજવણી પરિવારજનો સાથે કરી. તેઓ છેલ્લા બે દિવસથી ગુજરાતમાં છે. અમિત શાહના ગુજરાતમાં અલગ અલગ કાર્યક્રમ છે.ત્યારે આજે નવા વર્ષ નિમિત્તે અમિત શાહના નિવાસસ્થાને કાર્યકર્તાઓનો જમાવડો જોવા મળ્યો હતો. અમિત શાહે સ્નેહમિલન કાર્યક્રમમાં ભાજપના કાર્યકરો સાથે મુલાકાત કરી હતી. આ કાર્યક્રમમાં મુખ્યમંત્રી ભૂપેન્દ્ર પટેલે પણ શુભેચ્છા મુલાકાત લીધી હતી.