અમદાવાદ : અમદાવાદ સહીત સમગ્ર ગુજરાતભરની RTO કચેરીમાં ડ્રાઇવિંગ ટેસ્ટ ટ્રેક માટેનું સર્વર છેલ્લા 15 દિવસથી બંધ હતું. જે 28 માર્ચથી ફરીથી કાર્યરત થતા ડ્રાઇવિંગ ટેસ્ટ માટે આવતા અરજદારોની મુશ્કેલીનો અંત આવ્યો છે. ડ્રાઈવિંગ લાઈસન્સની કાગડોળએ રાહ જોઈ રહેલા અરજદારો માટે હાશકારોઅનુભવ્યો છે. પરંતુ વારો ક્યારે આવશે તે પણ એક ચિંતાનો વિષય છે કારણ કે એપોઈન્ટમેન્ટ મળવાનું ચાલુ થઈજતાં અંદાજ 16 દિવસના સ્લોટ હાઉસફુલ થઈગયા હોવાનું જાણવા મળે છે.
RTO કચેરીના સૂત્રો મુજબ સામાન્ય દિવસોમાં જ્યારે ટેસ્ટ ટ્રેક ચાલુ હોય છે, તે સ્થિતિમાં દરરોજ 350 જેટલી અપોઇમેન્ટ અમદાવાદ પશ્ચિમ RTO કચેરી દ્વારા આપવામાં આવતી હતી. તેવામાં ટેસ્ટ ટ્રેકનું સર્વર બંધ રહેતા અરજદારોનો જમાવડો થઈ રહ્યો છે, તેથી RTO કચેરી દ્વારા દરરોજની 100 જેટલી વધુ અરજી લેવામાં આવશે. આગામી 15 દિવસમાં સંપૂર્ણ ટેસ્ટ ટ્રેકમાં જે પેન્ડીંગ કામ બાકી છે, તે સરભર કરી દેવામાં આવશે. તેમ RTO કચેરીએ બાંહેધરી આપી હતી.
આઠ હજાર અરજદાર વેઇટિંગમાં છે. હવે રોજની 450 એપોઈન્ટમેન્ટ મળેતો તેમનો વારો ક્યારે આવશે તે તેમના માટે ચિંતાનો વિષય બની રહ્યો છે. કેટલાક સ્માર્ટ અરજદારોએ રાત્રે બાર વાગ્તાં જ બીજા દિવસના સ્લોટમાં જ્યારે મળે ત્યારની જે તે દિવસની એપોઈન્ટમેન્ટ બુક કરાવી લીધી છે. એપોઈન્ટમેન્ટમાં લાંબુ વેઇટિંગ દેખાતાં લોકોને મુશ્કેલીનો સામનો કરવો પડી રહ્યો છે. સૂત્રો મુજબ બુધવારે કેટલાક સમય સુધી પેમેન્ટ પ્રક્રિયા સર્વરની સમસ્યા સર્જાઈ હતી, સાથે કેટલાકને એપ્લિકેશન ખોલવામાં પણ મુશ્કેલી પડી હતી.
જેને તબક્કાવાર પૂર્ણ કરવાની આયોજનબદ્ધ કામગીરી તંત્ર દ્વારા હાથ ધરવામાં આવી છે. લાંબા ગાળા માટે એપોઈન્ટમેન્ટ રીશેડ્યૂલ કરવાનાં કારણસર આરટીઓ ખાતે નવી એપોઈન્ટમેન્ટમાં પણ અન્ય કોઈ મુશ્કેલી સર્જાવવાની શક્યતા નહીંવત્ છે. આગામી દિવસોમાં રીશેડ્યૂલ સહિતની નવી એપોઈન્ટમેન્ટ તબક્કાવાર તંત્ર દ્વારા પૂર્ણ કરવામાં આવશે.
