અમદાવાદ: લોકસભા સામાન્ય ચૂંટણી – 2024 અંતગર્ત અમદાવાદ શહેર અને જિલ્લામાં 7 મી મેના રોજ મતદાન યોજાનાર છે. ત્યારે લોકશાહીના આ મહાપર્વમાં વધુને વધુ લોકો પોતાના મતાધિકારનો ઉપયોગ કરે તે માટે મતદાન જાગૃતિના વિવિધ કાર્યક્રમો કરવામાં આવી રહ્યા છે. ચૂંટણી તંત્ર અને ખાનગી સંસ્થા દ્વારા સાથે મળી અમદાવાદના રિવરફ્રન્ટ પર ઇવેન્ટ સેન્ટર ગ્રાઉન્ડ ખાતે મતદાન જાગૃતિ માટે ડ્રોન શો તેમજ મ્યુઝિકલ ઇવેન્ટનું આયોજન કરવામાં આવ્યું હતું.
Voting message through the most unique medium, can you guess, yes it’s on the canvas called #sky by the lightening #drones in #ahmedabad to promote voting awareness….crowd gone crazy in #Ahmedabad #LokSabhaElection2024 #IVoteforSure #ChunavKaParv #DeshKaGarv @RJdevaki pic.twitter.com/IDtMNYi3Jf
— Chief Electoral Officer, Gujarat (@CEOGujarat) April 28, 2024
પ્રાપ્ત રિપોર્ટ મુજબ મુખ્ય નિર્વાચીન અધિકારી કચેરી ગાંધીનગર, અમદાવાદ જિલ્લા કલેકટર કચેરી, અમદાવાદ મ્યુનિસિપલ કોર્પોરેશનના સંયુક્ત ઉપક્રમે અમદાવાદના રિવરફ્રન્ટ પર ઇવેન્ટ સેન્ટર ગ્રાઉન્ડ ખાતે મતદાન જાગૃતિ માટે ડ્રોન શો તેમજ મ્યુઝિકલ ઇવેન્ટનું આયોજન કરવામાં આવ્યું હતું.જેમાં વિવિધ સિંગર દ્વારા મ્યુઝિકલ પરફોર્મન્સ સાથે મતદાન જાગૃતિનો મેસેજ આપવામાં આવ્યો હતો.ડ્રોન શોમાં 100 જેટલા ડ્રોન થકી મતદાન જાગૃતિને લઈને વિવિધ મેસેજ આપવામાં આવ્યા હતા. આ સાથે જ મ્યુઝિકલ નાઈટ તેમજ કાવ્યપઠનનું પણ આયોજન કરવામાં આવ્યું હતું,
કવિ અને કવિયત્રીઓએ પણ મતદાન જાગૃતિનો મેસેજ આપતી કવિતાઓ રજૂ કરી મતદાનનો સંદેશ આપ્યો હતો. આ ઉપરાંત અમદાવાદની ફૂટબોલ ટીમ અમદાવાદ એવેંજરસના ખેલાડીઓએ પણ લોકોને વધુમાં વધું મતદાન કરે એ માટે મતદાન જાગૃતિનો સંદેશ આપ્યો હતો. અગાઉ પણ ચૂંટણી પંચ અને અન્ય સંસ્થાઓ દ્વારા મતદાન જાગૃતિ માટે અનેક પ્રકારના અભિયાન કરવામાં આવ્યા છે. દેશના દિગ્ગજો પણ લોકોને વધુને વધુ મતદાન કરવા અપીલ કરી રહ્યા છે.