અમદાવાદ : અમદાવાદમાં AMTS બસે વધુ એક અકસ્માત સર્જ્યો છે. શહેરના જોધપુર ચાર રસ્તા પર AMTS બસ ચાલકે ટક્કર મારતા 8 જેટલા વાહનો એકબીજા સાથે અથડાયા હતા. એક સાથે આઠ વાહનો એકબીજા સાથે અથડાતા વાહનોને ભારે નુકશાન થયું છે, જયારે આ અકસ્માતમાં ચારથી પાંચ લોકોને ઈજાઓ પહોંચી છે. AMTS બસની ટક્કરથી આ અકસ્માત સર્જાયો હતો.આ બનાવની જાણ થતાં ટ્રાફિક પોલીસ ઘટના સ્થળે પહોંચી તપાસ હાથ ધરી છે.
પ્રાપ્ત રિપોર્ટ મુજબ જોધપુર ચાર રસ્તા પાસે સેટેલાઇટ સ્ટાર બઝાર સિગ્નલ લાઈટ ઉપર રેડ લાઈટમાં ઉભેલ અને સિગ્નલ ચાલુ થતા બસ ની આગળની કાર આર્ટિગા રીક્ષા અને અન્ય વ્હીકલ પડેલ જેમાં સૌથી આગળના વ્હીકલને આકસ્મિક બ્રેક મારવાથી તેની પાછળના વ્હીકલ લાઈનબંધ અથડાઈ ગયેલ જેમાં AOT.10 ની બ્રેક સ્લિપ થઈ જવાથી આગળના વાહનો આશરે ચાર-પાંચ ફૂટ ઢસડાવાથી આગળની કારને નુકશાન થયેલ અને અંદર કારમાં બેસેલ ત્રણ વ્યકિતને ઇજા થવાથી 108 મારફતે સારવાર અર્થે લઈ ગયેલ છે તેમજ ઉશ્કેરાયેલા પબ્લિકે ડ્રાયવરને માર મારેલ છે બસ હાલ પોલીસ સ્ટેશનમાં જમા લીધેલ છે.
151 હાટકેશ્વર ઘૂમા જતી AMTS બસ હોવાનું પ્રાથમિક માહિતીમાં બહાર આવ્યું છે.અકસ્માત અંગેની જાણ થતાં એમબ્યુલેન્સ અને પોલીસની ટીમ સ્થળ પર પહોંચી છે. ઇજાગ્રસ્ત વ્યક્તિઓને સારવાર માટે હોસ્પિટલ ખસેડવામાં આવ્યા છે. જ્યારે પોલીસે સ્થળ પર પહોંચી AMTSના ડ્રાઈવરની અટકાયત કરી તપાસ હાથ ધરી છે.