અમદાવાદ : દેશની રાજધાની નવી દિલ્હીમાં એરપોર્ટ ટર્મિનલમાં ચાલુ વરસાદે છત પડવાની ઘટના સામે આવી છે. તેવા સમયે અમદાવાદ શહેરમાં કરોડોના રૂપિયાના ખર્ચે બનાવવામાં આવેલા મેટ્રો રેલ સ્ટેશનની પણ આવી જ દુર્દશા સામે આવી છે. જેમાં શુક્રવારે સાંજે અમદાવાદ શહેરમાં પડેલા વરસાદે મેટ્રો રેલ સ્ટેશનના કામકાજની પોલ ખોલી નાખી છે. જેમાં મેટ્રો સ્ટેશનની છતમાંથી ચાલુ વરસાદે પાણી ટપકી રહ્યું છે એવો વિડીયો વાયરલ થયો છે.
Old High court 🚇 station exit gate (stairs towards Navjeevan Press Road side) @MetroGMRC #AhmedabadMetro #આપણી_મેટ્રો pic.twitter.com/pyjYjw2B5I
— Pranav Vasavada 🇮🇳 (@PMvasavada) June 28, 2024
અમદાવાદ શહેરના ઈન્ક્મટેક્સ પાસે આવેલ જૂની હાઇકોર્ટ મેટ્રો સ્ટેશનનો એક વિડીયો વાયરલ થઈ રહ્યો છે. જેમાં આ મેટ્રો સ્ટેશનની છતમાંથી ચાલુ વરસાદે પાણી ટપકી રહ્યું છે. આ વિડીયોમાં જોઇ શકાય છે મેટ્રો રેલ સ્ટેશનની છતમાંથી અનેક તરફથી પાણી ટપકી રહ્યું છે. જેમાં ટ્યુબલાઇટની આસપાસથી નીચે ફ્લોર પર પાણી ટપકી રહ્યું છે. જે મેટ્રો રેલ સ્ટેશનના કામગીરીમાં ઘોર બેદરકારી દાખવવામાં આવી હોવાનું સાબિત કરે છે.તમને જણાવી દઈએ કે ગત વર્ષે પણ વરસાદમાં મેટ્રો સ્ટેશન પોપડા નીકળવાની ઘટનાએ પણ ચર્ચા જગાવી હતી.
અમદાવાદ શહેરમાં મેટ્રો રેલ પ્રોજેક્ટમાં કરોડો રૂપિયાનો ખર્ચ કરવામાં આવ્યો છે. તેવા સમયે સામાન્ય વરસાદમાં જો મેટ્રો રેલ સ્ટેશનની છત ટપકવા લાગી છે. ત્યારે સામાન્ય લોકોના મનમાં આ કામની ગુણવતાને લઇને અનેક સવાલો ઊભા થયા છે. તેમજ આ કામમાં પણ શું ગેરરીતિ આચરવામાં આવી છે તેવા સવાલો લોકમુખે ચર્ચાઇ રહ્યા છે. તેમજ જો સામાન્ય વરસાદમાં મેટ્રો સ્ટેશનના આવા હાલ છે તો ધોધમાર વરસાદના કેવા હાલ થશે. શું લોકો ધોધમાર વરસાદમાં મેટ્રોનો ઉપયોગ કરી શકશે કેમ ? તેમજ આ દરમ્યાન મુસાફરોની સલામતીનું કોણ ધ્યાન આપશે.