અમદાવાદ : શહેરના નિકોલ વિસ્તારમાં એક વિચિત્ર અકસ્માતની ઘટના સામે આવી છે. આ દુર્ઘટનામાં એક મહિલાનું મોત નીપજ્યું અને એક બાળકને ઈજા પહોંચી હતી. બાળકને સારવાર અર્થે હોસ્પિટલમાં ખસેડવામાં આવ્યો હતો. નિકોલ વિસ્તારની અબજીબાપ ગ્રીનસ સોસાયટીના દરવાજા પર જ આ અકસ્માત સર્જાયો હતો.હાલ પોલીસ દ્વારા ઘટના સ્થળની આસપાસના સીસીટીવી ફૂટેજ મેળવવાની તજવીજ હાથ ધરવામાં આવી છે. આ અકસ્માત કેવી રીતે સર્જાયો, તે મામલે પોલીસ દ્વારા તપાસ કરવામાં આવી રહી છે.
પ્રાપ્ત રિપોર્ટ મુજબ અમદવાદમાં આવેલા નિકોલ વિસ્તારની આ ઘટના છે, જ્યાં અબજીબાપા ગ્રીન સોસાયટીના ગેટ પાસે અકસ્માત સર્જાયો હતો. એક મહિલા તેના બાળક સાથે ગેટ પાસે બેઠી હતી, તે સમયે આ ઘટના બની હતી. રિવર્સ લેવા જતાં કાર ધડાકાભેર અથડાઇ હતી. કારને રિવર્સ લેતાં કાર પિલ્લર સાથે અથડાઇ હતી. જ્યાં બેસેલી મહિલા કચડાઇ ગઇ હતી. આ ઘટનામાં મહિલાને ગંભીર ઇજા પહોંચતાં તેનું મોત નીપજ્યું છે. જ્યારે બાળકને ઇજા પહોંચતા હોસ્પિટલ ખસેડવામાં આવ્યું છે.
ઘટનાની જાણ થતાં ટ્રાફિક પોલીસ ઘટના સ્થળે દોડી આવી હતી. પોલીસે ઘટના સ્થળે પહોંચી અકસ્માત અંગે તપાસ હાથ ધરી હતી. સાથે જ અકસ્માત કેવી રીતે સર્જાયો, તે અંગેની તપાસ સંદર્ભે પોલીસે આસપાસના સીસીટીવી ફૂટેજ મેળવવાની તજવીજ હાથ ધરી છે. નોંધનીય છે કે, અગાઉ પણ વાહન રિવર્સ લેવા જતાં કોઇ વ્યક્તિ કચડાઇ હોય તેવા કિસ્સા સામે આવી ચૂક્યા છે.