અમદાવાદ : રાજ્યની સરકારી યુનિવર્સિટીમાં બીકોમ, બીએ જેવા સામાન્ય કોર્ષની વાર્ષિક ફી 5થી 6 હજાર રૂપિયા છે. જ્યારે અમદાવાદ યુનિવર્સિટીમાં આ પ્રકારના કોર્ષની વાર્ષિક ફી 4.60 લાખ રાખવામાં આવી છે. જેને લઇને NSUI દ્વારા વિરોધ કરવામાં આવ્યો છે. NSUIએ યુનિવર્સિટીને 24 કલાકમાં ફી ઘટાડવા અલ્ટિમેટમ આપ્યું છે. સરકારને પણ ખાનગી યુનિવર્સિટીમાં FRC લાગુ કરવા માગ કરી છે અને ફીમાં ઘટાડો કરવા અમદાવાદ યુનિવર્સિટીના સંચાલકોને 24 કલાકનું અલ્ટીમેટમ આપ્યું છે.
પ્રાપ્ત રિપોર્ટ મુજબ શહેરના નવરંગપુરામાં અમદાવાદ યુનિવર્સિટીમાં વિદ્યાર્થીઓ પાસે એક વર્ષની 4.60 લાખ ફી વસૂલવામાં આવી રહી છે. સરકારી યુનિવર્સિટીમાં FRC લાગુ કરવામાં આવી છે. જેથી સરકારી યુનિવર્સિટી સંલગ્ન કોલેજ ફી બાબતે અંકુશમાં રહે છે. જ્યારે ખાનગી યુનિવર્સિટીમાં FRC લાગુ કરવામાં આવી નથી. જેથી ખાનગી યુનિવર્સિટી મનમાની મુજબ ફી વસૂલી રહી છે. ખાનગી યુનિવર્સિટી પર સરકારનો પણ અંકુશ નથી, જેના કારણે ખાનગી યુનિવર્સિટીઓ બેફામ બની છે.
શહેરની ખાનગી યુનિવર્સિટી વિદ્યાર્થીઓ પાસેથી બેફામ રીતે ફી ઉઘરાવી રહી હોવાનો આક્ષેપ NSUI એ કર્યો છે. એટલું જ નહીં વિદ્યાર્થીઓ પાસેથી વધુને વધુ ફી ઉઘરાવવા જાણે પરવાનો મળી ગયો હોય તેમ ખાનગી યુનિવર્સિટીઓ વર્તી રહી છે. રાજ્યની સરકારી યુનિવર્સિટીમાં B.Com, B.A જેવા સામાન્ય કોર્ષની વાર્ષિક ફી માત્ર 5 થી 6 હજાર રૂપિયા છે. જ્યારે અમદાવાદ યુનિવર્સિટીમાં આ પ્રકારના કોર્ષની વાર્ષિક ફી 4.60 લાખ વસૂલવામાં આવી રહી છે. જેને લઇને વિદ્યાર્થી સંગઠન NSUI દ્વારા વિરોધ કરવામાં આવ્યો છે.
NSUIએ યુનિવર્સીટીને 24 કલાકમાં ફી ઘટાડવા અલ્ટીમેટમ આપ્યું છે. સાથે સરકારને પણ ખાનગી યુનિવર્સિટીમાં FRC લાગુ કરવા માંગ કરી છે. NSUIનો આક્ષેપ છે કે, રાજ્યની સરકારી યુનિવર્સિટી સંલગ્ન કોલેજોમાં FRC લાગુ છે. જ્યારે ખાનગી યુનિવર્સિટીમાં કોઈ FRC લાગુ પડતું નથી. જેના કારણે ખાનગી યુનિવર્સિટી વિદ્યાર્થીઓ પાસેથી બેફામ ફી વસૂલે છે.