અમદાવાદ : અમદાવાદ શહેર પોલીસના રાણીપ પોલીસ સ્ટેશનના PI બી.ડી.ગોહિલને સસ્પેન્ડ કરવામાં આવ્યા છે.રાણીપમાં સસ્તા અનાજની દુકાન તોડવામાં શંકાસ્પદ ગતિવિધિ બદલ તેમના પર કાર્યવાહી કરતા શહેર પોલીસ કમિશનર જી.એસ.મલિકે PI બી.ડી.ગોહિલને સસ્પેન્ડ કર્યા છે.
પ્રાપ્ત રિપોર્ટ મુજબ, અમદાવાદમાં રાણીપ પોલીસ સ્ટેશનમાં ફરજ બજાવતાં PI બી.ડી.ગોહિલને મંગળવારનારોજ અમદાવાદ શહેર પોલીસ કમિશનર જી એસ મલિકે સસ્પેન્ડ કરવાનો ઓર્ડર કર્યો છે. PI બી.ડી.ગોહિલ સામે તપાસ ચાલી રહી હતી. રાણીપ વિસ્તારમાં આવેલી એક સંસ્થા અનાજની દુકાનમાં એક મહિલા દ્વારા સતત પોલીસને જાણ કરવામાં આવતી હતી કે, મારી દુકાન લોકો તોડી નાખશે, પરંતુ ત્રણ-ત્રણ અરજીઓ થવા છતાં પોલીસે કોઈ એક્શન લીધું નહીં.
રથયાત્રાના દિવસે એક તરફ અમદાવાદ શહેરની આખી પોલીસ રથયાત્રામાં વ્યસ્ત હતી, ત્યારે રાણીપ વિસ્તારમાં એક નિર્દોષ મહિલાની સંસ્થા અનાજની દુકાન તૂટી ગઈ હતી. આ સમગ્ર મામલે પોલીસ અને કેટલાક બિલ્ડર સામે શંકાની સોય હતી. આ સમગ્ર મામલાની તપાસ ચાલી રહી હતી, ત્યારે આજે અમદાવાદ શહેર પોલીસ કમિશનરે રાણીપ પોલીસ સ્ટેશનના PI બી.ડી.ગોહિલને સસ્પેન્ડ કર્યા છે.
આ અંગે પોલીસ કમિશનર જીએસ મલિકે જણાવ્યું હતું કે કેટલીક શંકાસ્પદ ગતિવિધિના કારણે પોલીસ ઇન્સ્પેક્ટરને સસ્પેન્ડ કરવામાં આવ્યા છે અને જો કોઈ પોલીસ કર્મચારી પોતાનો હોદ્દાનો દુરુપયોગ કરશે તો તેની સામે પણ એક્શન લેવામાં આવશે.