અમદાવાદ : નવરાત્રી દરમિયાન અમદાવાદના એસપી રીંગ રોડ પર ન્યુ સાયન્સ સીટી રોડ તરફ જતા મધુબન પાર્ટી પ્લોટમાં યોજાયેલા મંડળીના ગરબામાં આયોજકો દ્વારા 12 વર્ષથી નીચેના બાળકોને પ્રવેશ આપવામાં ન આવતાં ખેલૈયાઓએ હોબાળો કર્યો હતો. મંડળી ગરબાના આયોજકોનો લોકોએ હુરિયો બોલાવ્યો હતો અને પોલીસને બોલાવવાની ફરજ પડી હતી. જોકે પોલીસે પણ ગરબા આયોજકના નિયમ પ્રમાણે થશે તેમ કહ્યું હતું.
પ્રાપ્ત રિપોર્ટ મુજબ, શહેરના ન્યુ સાયન્સ સીટી રોડ ઉપર આવેલા મધુબન પાર્ટી પ્લોટમાં મંડળી નામથી ગરબાનું આયોજન કરવામાં આવ્યું છે. આજે રવિવાર હોવાના કારણે મોટી સંખ્યામાં લોકોએ પાસ ખરીદ્યા હતા. લોકો ગરબામાં નાના બાળકોને પણ લઈને આવતા હોવાથી તેમના પણ પાસ ખરીદ્યા હતા પરંતુ આયોજકોએ નાના બાળકોને પ્રવેશ નહીં જ આપવાનો નિર્ણય લીધો હતો. જોકે પાસ ખરીદેલા હોવા છતાં પણ નાના બાળકો સાથે પ્રવેશ આપવામાં આવતા હોબાળો કર્યો હતો. પોલીસને બોલાવવાની ફરજ પડી હતી. ત્રણેક દિવસ પહેલાં નાના બાળકોને પ્રવેશ આપવામાં આવ્યો હતો પરંતુ અચાનક જ પાછળથી હવે પ્રવેશ ન આપવામાં આવતા પણ લોકોમાં ભારે રોષ ફેલાયો હતો.
એક ખેલૈયાએ જણાવ્યું હતું કે અમે ઓનલાઈન પાસ ખરીદ્યા હતા હવે બાળકો સાથે આયોજકો દ્વારા ગરબામાં પ્રવેશ આપવામાં આવી રહ્યો નથી જેને લઇને લોકોએ હોબાળો મચાવ્યો હતો.100થી વધારે લોકો બહાર ઉભા હતા આયોજકો દ્વારા બાળકો સાથે પ્રવેશ નહીં જ આપવાનો નિર્ણય કરવામાં આવતા પોલીસ બોલાવવામાં આવી હતી અને પોલીસ પણ ત્યાં આવી હતી. જોકે પોલીસે પણ ગરબા આયોજકના નિયમ પ્રમાણે થશે તેમ કહ્યું હતું.
ત્રણ દિવસ પહેલા નાના બાળકોને ગરબામાં પ્રવેશ આપવામાં આવ્યો હતો પરંતુ અચાનક જ શનિવારથી નાના બાળકોને પ્રવેશ આપવાનો બંધ કરી દેવામાં આવતા પહેલાથી જે લોકોએ પાસ ખરીદ્યા હતા ત્યારે લોકો હોબાળો કર્યો હતો.છેલ્લી ઘડીએ આ રીતે નિર્ણય કરવામાં આવતા નોન્સેનસ બાબત લોકોએ ગણાવી હતી. આ રીતે પોસ્ટ મૂકવામાં આવતા અનેક ખેલૈયાઓમાં રોષ ફેલાયો હતો.