અમદાવાદ : અમદાવાદ મ્યુનિસિપલ કોર્પોરેશન સંચાલિત SVP હોસ્પિટલ ખાતે સંધિવાની સારવાર માટે રાહત દરે ટેસ્ટ શરુ કરવા નિર્ણય કરાયો છે.રુમેટોલોજી વિભાગ દ્વારા ANTI MULLERIAN HOREMONE (AMH) પ્રતિ ટેસ્ટ રૂ. 510 તથા ANTI CCP TEST પ્રતિ ટેસ્ટ રૂ. 310ના દરથી કરાશે.હોસ્પિટલ ખાતે નસકોરાં બોલાવવા,રાત્રે ઉંઘ ના આવવી જેવી તકલીફોનો અભ્યાસ કરાશે.
સ્ટેન્ડિંગ કમિટી ચેરમેન દેવાંગ દાણીએ કહ્યું, નાગરિકોએ સંધિવાના દુઃખાવાની સારવાર માટે SVP હોસ્પિટલના બાયોકેમેસ્ટ્રી વિભાગની લેબોરેટરીમાં રૂમેટોલોજી વિભાગના નવા ટેસ્ટ શરૂ કરવામાં આવશે. ANTI MULLERIAN HOREMONE (AMH) પ્રતિ ટેસ્ટ રૂ. 510 તેમજ ANTI CCP TEST પ્રતિ ટેસ્ટ રૂ. 310થી કરવામાં આવશે. ખાનગી લેબોરેટરીમાં આ ટેસ્ટ કરાવવા જાય તો તેનો ભાવ રૂ.1500 જેટલા હોય છે. જેથી કરતા ઓછા છે. આ કારણે દર્દીઓને જરૂરી ટેસ્ટ રાહત દરે ઉપલબ્ધ થશે.
મેદવસ્વીતાને કારણે ઘણા દર્દીઓને નસકોરા બોલવા, રાત્રીના ઊંઘમાં વિક્ષેપ પડવો, જેવી તકલીફોનો અભ્યાસ થશે અને દર્દીને સારવાર મળે તેના માટે SVP હોસ્પિટલ ખાતે પલ્મોનરી વિભાગમાં Sleep Study Laboratory સારવાર શરૂ થશે. જેમાં એક રાત્રિના રૂ. 4000 જનરલ તેમજ OPD વોર્ડ માટે લેવામાં આવશે. સરસપુરની શારદાબેન હોસ્પિટલ ખાતે સેન્ટર ઓફ એક્ષીલન્સ હેઠળ લેપરસી રીહેબીલેટેશન અને Autoimmune Diseases, Vesiculobullous Disordersની સારવાર શરુ કરવામાં આવશે. જેના માટે 25 લાખનો ખર્ચ મંજુર કરવામાં આવ્યો છે.