અમદાવાદ : એર ઇન્ડિયાની અમદાવાદથી લંડન જતા પ્લેન ક્રેશનો વધુ એક હૃદયદ્રાવક વીડિયો સામે આવ્યો છે. આ વીડિયોમાં દેખાઈ રહ્યું છે કે, બી. જે. મેડિકલના વિદ્યાર્થીઓ (ઈન્ટર્ન ડોક્ટર) પોતાનો જીવ બચાવવા માટે હોસ્ટેલના બીજા માળેથી નીચે કૂદી રહ્યા છે. 12 જૂને અમદાવાદ એરપોર્ટ નજીક એક ફ્લાઇટ ક્રેશ થઈ હતી, જેમાં 242 મુસાફરોમાંથી 241 લોકોના મોત થયા હતા. આ ફ્લાઈટ મેડિકલ કોલેજની બિલ્ડિંગ પર પડ્યું હતું.
નવા વીડિયો આવ્યો છે, જેમાં જોઈ શકાય છે કે નજીકના હોસ્ટેલમાં રહેતા વિદ્યાર્થીઓ વિમાન દુર્ઘટના પછી ચાદર બાંધીને બિલ્ડિંગમાંથી કૂદી પડ્યા હતા. પોતાનો જીવ બચાવતા વિદ્યાર્થીઓનો વીડિયો સોશિયલ મીડિયામાં વાઇરલ થઇ રહ્યો છે. આ વીડિયોમાં જોઈ શકાય છે કે કેવી રીતે MBBSના વિદ્યાર્થીઓ બીજા અને ત્રીજા માળેથી કપડું બાંધીને નીચે આવવાનો પ્રયાસ કરી રહ્યા છે. આ વિદ્યાર્થીઓ ચાદરની મદદથી કૂદકા મારતા જોઈ શકાય છે.
View this post on Instagram
આ વીડિયોમાં, વિદ્યાર્થીઓ એકબીજાને ઇમારત પરથી કૂદવામાં મદદ કરી રહ્યા છે. તેઓ કપડાંની મદદથી ઇમારત પરથી કૂદી રહ્યા છે. દરમિયાન, નજીકમાં એર ઇન્ડિયાનું વિમાન ક્રેશ થયા પછી ચારેબાજુ ધુમાડાનું સામ્રાજ્ય જોવા મળતું હતું.
વીડિયોમાં અકસ્માત સમયે કેટલાક લોકો ઝાડ પર ચડતા જોવા મળે છે. તેઓ ત્યાંથી વિમાનને સળગતું જોઈ રહ્યા છે. વિમાન દુર્ઘટના અંગે ખૂબ હોબાળો મચી રહ્યો છે. અસ્પાકનો આખો વિસ્તાર કાળા ધુમાડામાં લપેટાઈ ગયો હતો. અકસ્માતની પ્રથમ થોડીક સેકન્ડોમાં કોઈ પણ પ્રત્યક્ષદર્શી સમજી શક્યું નહીં કે બરાબર શું થયું?