Monday, November 23, 2026

નારણપુરામાં સોના-ચાંદીમાં નફાની લાલચ આપી 1 કરોડથી વધુની છેતરપિંડી કરનાર ઝડપાયો

spot_img
Share

અમદાવાદ : ગુજરાતભરમાંથી સતત છેતરપિંડીની ઘટનાઓ સામે આવી રહી છે. એવામાં અમદાવાદમાંથી વધુ નફાની લાલચ આપી રોકાણ કરાવી છેતરપિંડી આચરનાર શખ્સ આખરે ઝડપી પડાયો છે. અમદાવાદ શહેરના નારણપુરામાં શાસ્ત્રીનગરના રત્નાકર જ્વેલર્સના માલિક ઊંચું વળતર આપવાની લાલચે રૂપિયા પડાવી સોની ફરાર થઈ ગયો હતો. જોકે લોકોએ હલ્લાબોલ કરતા આખરે પોલીસે ફરિયાદ નોંધી પોલીસે આરોપીની ધરપકડ કરી વધુ તપાસ શરૂ કરી છે.

પ્રાપ્ત રિપોર્ટ મુજબ, શહેરના નારણપુરા પાસે આવેલ શાસ્ત્રીનગરમાં આવેલા રત્નાકર જ્વેલર્સના માલિકે કૌભાંડ આચર્યું હોવાની પોલીસ ફરિયાદ નોંધાઈ હતી. જ્વેલર્સના માલિકે લોકોને સોના-ચાંદીની ખરીદી થકી બેંક વ્યાજ તથા અન્ય રોકાણ કરતા વધુ વળતર અને નફો આપવાની લાલચ આપી હતી. લોકોને રોકાણ કરાવ્યું હતું. બાદમાં સોનુ-ચાંદી વેચાણ કરાવીને એડવાન્સ રકમ મેળવીને કુલ રૂ. 1.43 કરોડની છેતરપિંડી આચરી હતી. આરોપીએ દાગીના કે નફો ન આપતા લોકોએ દુકાન પર હોબાળો મચાવતા આરોપી તાળા મારીને ભાગી છૂટ્યો હતો.ઘાટલોડિયા પોલીસે આ મામલે તપાસ કરી ગુનો નોંધી છેતરપિંડી આચરનાર નિકેશ શાહની ધરપકડ કરી છે.

નારણપુરામાં રહેતા પ્રિયંકભાઇ પટેલ બેન્કમાં આસિસ્ટન્ટ મેનેજર છે. તેમણે શાસ્ત્રીનગરમાં આવેલા રત્નાકર જ્વેલર્સમાંથી સોના-ચાંદીના દાગીના ખરીદ્યા ત્યારે જ્વેલર્સના માલિક નિકેશ શાહે સોના-ચાંદીમાં રોકાણ કરવા આગ્રહ કર્યો હતો. રોકાણ કરવા બદલ સારૂ વળતર અપાવવાની પણ લાલચ આપી હતી. જેથી પ્રિયંકભાઇએ 15 લાખ એડવાન્સ આપીને સોના-ચાંદીની ખરીદી કરી હતી.

જે બાદ આરોપીએ ભાવ વધારો થયાનું કહીને સોનુ-ચાંદી વેચાણ કરવા આગ્રહ કર્યો હતો. આરોપીએ સોનુ-ચાંદી વધુ ભાવે ખરીદીને આશરે 25 લાખથી વધુની રકમ ચૂકવી નહોતી. જેથી પ્રિયંકભાઇ ઉઘરાણી કરતા હતા અને એક દિવસ જ્વેલર્સ શોપ પર પહોંચ્યા ત્યારે અનેક લોકોનું ટોળું ભેગું થયુ હતું. ભોગ બનનાર લોકો દાગીનાની ડિલિવરી અને હિસાબ બાબતે તકરાર કરી રહ્યા હતા. જેથી આ મામલે પોલીસને જાણ થતાં પોલીસે તપાસ શરૂ કરી હતી.

પોલીસ તપાસમાં રત્નાકર જ્વેલર્સની લોભામણી જાહેરાતમાં 16 લોકો સાથે 1.43 કરોડની છેતરપિંડી થઈ હોવાનું સામે આવ્યું હતું. આરોપી નિકેશ શાહે સોના-ચાંદીની ખરીદી થકી બેંક વ્યાજ તથા અન્ય રોકાણ કરતા વધુ વળતર અને નફો આપવાની લાલચ આપીને એડવાન્સ રકમ મેળવીને છેતરપિંડી આચરવા બદલ ઘાટલોડિયા પોલીસે ગુનો નોંધી આરોપી નિકેશ શાહની ધરપકડ કરી તપાસ હાથ ધરી છે.

વધુ વાંચો

સ્થાનિક સમાચાર

ભાજપનું નૂતન વર્ષ સ્નેહમિલન યોજાયું, CM ભૂપેન્દ્ર પટેલે કાર્યકરોને આપ્યો ખાસ સંદેશ, 22 નવેમ્બરે મોટું આયોજન

ગાંધીનગર : દિવાળી અને નવા વર્ષના પર્વ નિમિત્તે ગુજરાત ભાજપ દ્વારા આજે પ્રદેશ કક્ષાના સ્નેહમિલન સમારોહનું આયોજન કરવામાં આવ્યું હતું. ગાંધીનગર ખાતે ભાજપના પ્રદેશ...

અંબાજી-આબુ જતા વાહનચાલકો ધ્યાન આપો! PM મોદીની મુલાકાતને પગલે 13-14 નવેમ્બર સુધી આ માર્ગો રહેશે બંધ, જાણો વૈકલ્પિક રૂટ

અંબાજી : વડાપ્રધાન નરેન્દ્ર મોદી 13 અને 14 નવેમ્બરના રોજ ગુજરાતના પ્રવાસે આવી રહ્યા છે. આ દરમિયાન તેઓ બનાસકાંઠાના પ્રસિદ્ધ યાત્રાધામ અંબાજીની મુલાકાત લેશે....

PM મોદી 13 અને 14 નવેમ્બરે ગુજરાતના પ્રવાસે : લાભ પાંચમે અંબાજી ખાતે માતાજીનાં દર્શન કરી પૂજા-અર્ચના કરશે

અંબાજી : વડાપ્રધાન નરેન્દ્ર મોદી આગામી 13 અને 14 નવેમ્બરના રોજ ગુજરાતના બે દિવસીય પ્રવાસે આવી રહ્યા છે. આ બે દિવસીય પ્રવાસ દરમિયાન તેઓ...

ગાંધીનગરમાં ગિફ્ટ સિટી નજીક મેટ્રો ટ્રાયલ રનમાં ‘બ્રેક’, કેમ અચાનક અટકી કામગીરી?

ગાંધીનગર : GMRC સંચાલિત મેટ્રો રેલ પ્રોજેક્ટના ટ્રાયલ રન દરમિયાન અચાનક એક મોટી ટેકનિકલ ક્ષતિ સર્જાવાની ઘટના સામે આવી છે.શુક્રવારે (નવમી ઓક્ટોમ્બર) સવારે ગાંધીનગરમાં...

ભાદરવી પૂનમના મહામેળાનો આજે છેલ્લો દિવસ; 40 લાખનો આંકડો પાર, જય અંબેના નાદથી ગુંજી ઊઠ્યું અંબાજી

અંબાજી : શક્તિ, ભક્તિ અને આસ્થાના મહાકુંભ સમાન ભાદરવી પૂનમના ભાદરવી મહામેળાની આજે ભવ્ય પૂર્ણાહુતિ થઈ રહી છે. સાત દિવસીય મેળાના અંતિમ દિવસે વહેલી...

ભાદરવી પૂનમ મહામેળાના બીજા દિવસે અંબાજીમાં ભક્તોનો અવિરત પ્રવાહ, 4.25 લાખથી વધુ માઈભક્તો દર્શનાર્થે

અંબાજી : અંબાજીમાં ભાદરવી પૂનમના મહામેળાનો આજે બીજો દિવસ છે. મહામેળાના બીજા દિવસે પણ અંબાજીમાં મોટી સંખ્યામાં માઈભક્તો ઉમટી રહ્યા છે. વહેલી સવારથી જ...

ભાદરવી પૂનમ મહામેળાના પ્રથમ દિવસે ‘જય અંબે’ના જયઘોષથી ગુંજી ઉઠ્યું અંબાજી, 4.5 લાખ શ્રદ્ધાળુઓએ કર્યા દર્શન

અંબાજી : આસ્થા,ભક્તિ અને શક્તિના પવિત્ર ત્રિવેણી સંગમ સમા જગતજનની મા અંબાના પાવન ધામ અંબાજી ખાતે આજથી પરંપરાગત અને વિશ્વપ્રસિદ્ધ ભાદરવી પૂનમ મહામેળો-2026નો ભવ્ય...

જન્માષ્ટમી પર્વે સોમનાથ મહાદેવને અલૌકિક ‘કૃષ્ણ દર્શન શૃંગાર’ કરાયો ; 2 કરોડના સુવર્ણ મુગટથી મહાદેવને કરાયા અલંકૃત

સોમનાથ : પ્રથમ જ્યોતિર્લિંગ એવા ગીર સોમનાથ સ્થિત શ્રી સોમનાથ મહાદેવ મંદિરમાં જન્માષ્ટમીના પાવન પર્વ નિમિત્તે અત્યંત અલૌકિક અને મનમોહક ‘કૃષ્ણ દર્શન શૃંગાર’ કરવામાં...