અમદાવાદ : અમદાવાદનું નરેન્દ્ર મોદી સ્ટેડિયમમાં બ્રિટિશ રોક બેન્ડ કોલ્ડપ્લે બાદ વધુ એક મેગા કોન્સર્ટનું સાક્ષી બની શકે છે. આ શહેરમાં ટૂંક સમયમાં પોપ આઈકોન શકીરાના ઠુમકા જોવા મળી શકે છે. સૂત્રોના જણાવ્યા પ્રમાણે, શકીરાની ટીમે વર્ષ 2026માં શહેરમાં કોન્સર્ટ યોજવા રાજ્ય સરકારનો સંપર્ક કર્યો છે.ટૂંક સમયમાં અમદાવાદમાં ઓલિમ્પિક જેવી ભવ્ય ઈવેન્ટ્સ યોજાવાની તૈયારીઓ ચાલી રહી છે, ત્યારે હવે લેટિન પોપ ક્વીન શકીરા પણ અમદાવાદમાં તેના ઠુમકા લગાવતી જોવા મળી શકે છે.
પ્રાપ્ત રિપોર્ટ મુજબ, શકીરાના મેગા કોન્સર્ટને અમદાવાદ લાવવા માટે ચર્ચાઓ શરૂ થઈ ગઈ છે. આ વર્ષે સ્ટેડિયમમાં કોલ્ડપ્લેના બે હાઉસફૂલ શો બાદ શકીરાની ટીમ તેના કોન્સર્ટ માટે વેન્યુ તરીકે અમદાવાદની પસંદગી કરી શકે છે. કોલંબિયન સિંગર-ગીતકારે હજુ સુધી તેની ‘Las Mujeres Ya No Lloran World Tour’ અથવા અન્ય કોઈ પ્રવાસના ભાગરૂપે ભારતમાં કોન્સર્ટની તારીખની સત્તાવાર જાહેરાત કરી નથી. પરંતુ અહેવાલો અનુસાર, તેની ટીમે અમદાવાદમાં કોલ્ડપ્લે જેવો જ ભવ્ય કોન્સર્ટ આયોજિત કરવામાં રસ દાખવ્યો છે.
હું છું નવું ગુજરાત” – જ્યાં મોટા-મોટા આંતરરાષ્ટ્રીય સ્ટાર્સ હવે અમદાવાદમાં પર્ફોર્મ કરવા માટે આવવાનું પસંદ કરી રહ્યા છે. 2026માં લેટિન પોપ આઇકોન શકીરાની ટીમે શહેરમાં કોન્સર્ટ યોજવા માટે ગુજરાત સરકારનો સંપર્ક કર્યો છે, અને અમદાવાદના નરેન્દ્ર મોદી સ્ટેડિયમને આ માટે યોગ્ય સ્થાન માનવામાં આવી રહ્યું છે.
નરેન્દ્ર મોદી સ્ટેડિયમમાં કોલ્ડપ્લેના સફળ શો પછી હવે શકીરાની ટીમ પણ અમદાવાદના આધુનિક સ્ટેડિયમ, સુવિધાઓ અને શહેરના વ્યવસ્થિત માહોલથી પ્રભાવિત થઈ ગઈ છે. જયારે સત્તાવાર તારીખ હજુ જાહેર નથી, તેમ છતાં શહેર પ્રથમ પસંદગી બની શકે તેવી શક્યતા છે. આ સ્ટેડિયમ અને શહેરની તૈયારી દર્શાવે છે કે અમદાવાદ હવે આંતરરાષ્ટ્રીય મ્યુઝિક શોમાં સ્થાન મેળવવાનો પ્રયાસ કરી રહ્યું છે.
“Hips Don’t Lie”, “Whenever, Wherever”, અને “Waka Waka” જેવા ગ્લોબલ હિટ ગીતો માટે જાણીતી 47 વર્ષીય શકીરા ભારતમાં વિશાળ ચાહકવર્ગ ધરાવે છે. તેણે 4 ગ્રેમી એવોર્ડ્સ અને 15 લેટિન ગ્રેમી એવોર્ડ્સ જીત્યા છે અને વિશ્વભરમાં હિસ્પેનોફોન (સ્પેનિશ ભાષી) સંગીતને લોકપ્રિય બનાવવાનો શ્રેય તેને જાય છે.