અમદાવાદ : અમદાવાદના સરખેજમાં બોપલ બ્રિજ નજીક 16 વર્ષની સગીરા સાથે દુષ્કર્મનો બનાવ બન્યો છે. આરોપી વિપુલ વાઘેલાએ 16 વર્ષની સગીરા સાથે દુષ્કર્મ આચર્યું છે. ઘટનાની વાત કરીએ તો કન્સ્ટ્રકશન સાઇટ પર મજૂરી કરતો પરિવાર બોપલ બ્રિજ નીચે ફૂટપાથ પર સૂતો હતો. ત્યારે એક 16 વર્ષની સગીરા પોતાની માતા સાથે સુઈ રહી હતી. તે સમયે આરોપીએ તેનો મો દબાવીને ત્યાંથી લઈ ગયો હતો. ત્યારબાદ તેના પર દુષ્કર્મ આચર્યું હતું. જે મામલે સરખેજ પોલીસે ગુનો નોંધીને આરોપીની ધરપકડ કરી છે.
પ્રાપ્ત રિપોર્ટ મુજબ અમદાવાદ શહેરના સરખેજ પોલીસ સ્ટેશન વિસ્તારમાં દુષ્કર્મની ઘટના સામે આવી છે. સરખેજની હદમાં આવતા બોપલ વકીલ સાહેબ બ્રિજની નીચે શ્રમીક પરિવાર વસવાટ કરે છે. જ્યાં શનિવારે રાતના સમયે 16 વર્ષની સગીરા સુઈ રહી હતી તે સમયે 19 વર્ષીય વિપુલ વાધેલા ત્યાં આવ્યો હતો અને સગીરાનું મોઢુ દબાવી બળબજરી પુર્વક તેની સાથે શારિરીક સંબંધ બાંધ્યા હતા. જે ઘટનાને લઈને સગીરાએ માતાને જાણ કરતા માતાએ સરખેજ પોલીસ મથકે આરોપી સામે ફરિયાદ નોંધાવી હતી.
સરખેજ પોલીસે દુષ્કર્મ અને પોક્સોનો ગુનો દાખલ કરી ગુનામાં સામેલ આરોપી વિપુલ વાધેલાની ધરપકડ કરી છે. આરોપી પોતે પરિણીત હોવાનું તપાસમાં સામે આવ્યું છે અને તેની પત્ની હાલ ગર્ભવતી છે. હાલ તો સરખેજ પોલીસે સગીરાનું મેડિકલ ચેકએપ કરાવીને તેમજ આરોપીને કોર્ટમાં રજૂ કરી આગળની કાર્યવાહી હાથ ધરી છે.