અમદાવાદ : અમદાવાદ: ઉનાળુ વેકેશન પૂરું થવામાં છે. આગામી 13 જૂનથી શાળાઓ શરૂ થઈ રહી છે તે પહેલાં જ વાલીઓ પર વધુ એક મોંઘવારીનો માર સહન કરવાનો વારો આવ્યો છે. વાલીઓને સ્કુલ વાહનોમાં ભાડા વધારો કરવામાં આવ્યો છે. સ્કૂલ શરૂ થતાં જ સ્કૂલ વાન અને રિક્ષાના 20 ટકા જેટલા ભાડા વધારે ચૂકવવા વાલીઓએ તૈયાર રહેવું પડશે.
પ્રાપ્ત રિપોર્ટ મુજબ અમદાવાદ સ્કૂલ વર્ધી એસોસિએશને સ્કૂલ રિક્ષા-વાનમાં ભાવ વધારો કર્યો છે. સ્કૂલ વર્ધી એસોસિયેશનની કારોબારીની બેઠક યોજાઈ હતી, તેમાં આ ભાડા વધારાનો નિર્ણય કરવામાં આવ્યો છે. અમદાવાદમાં 15,000 અને રાજ્યભરમાં 50,000 થી વધુ સ્કૂલ વેન અને રીક્ષા દોડી રહી છે. તેવામાં નવા શૈક્ષણિક સત્રથી આ ભાવ વધારો અમલીકરણ કરી દેવામાં આવશે.અત્યાર સુધી સ્કૂલ વેનના કિલોમીટર દીઠ 1 હજાર રૂપિયા વસૂલવામાં આવતા હતા જે હવે વાલીઓએ 1200 રૂપિયા ચૂકવવા પડશે. સ્કૂલ વર્ધી એસોસિએશનની કારોબારી બેઠકમાં આ નિર્ણય લેવાયો છે.
સ્કૂલ વાનમાં એક કિમી દીઠ 200 અને સ્કૂલ રીક્ષામાં કિમી દીઠ 100 રૂપિયા ભાડા વધારાનો નિર્ણય કરવામાં આવ્યો છે. છેલ્લે 2021માં ભાડામાં વધારો કરવામાં આવ્યો હતો ત્યારે હવે ફરી ત્રણ વર્ષે ભાવ વધારો કરવામાં આવ્યો છે.સ્કૂલ રિક્ષા અને વાનના ભાવમાં 20 ટકાનો ભાવ વધારો કરાયો છે. આ વધારા પાછળ કારણ એવું કહેવામાં આવ્યું છે કે, ‘RTO રજિસ્ટ્રેશન, ફિટનેશન પાર્સિંગનો 50 હજારનો બોજો આવતા આ ભાવ વધારો નવા શૈક્ષણિક સત્રથી નવો ભાવ વધારો અમલી કરી દેવામાં આવશે.’