અમદાવાદ : અમદાવાદના બોપલ વિસ્તારમાં હત્યાની ઘટના સામે આવી છે. MICA કોલેજના વિદ્યાર્થીએ કાર ચાલકે ટક્કર મારી હતી. આથી માઇકાના વિદ્યાર્થીએ કારચાલકને કાર ધીમે ચલાવવા કહ્યું હતું, પરંતુ ડ્રાઇવરે ગુસ્સામાં આવીને વિદ્યાર્થી પર હુમલો કર્યો હતો.જેમાં ગંભીર રીતે ઘવાયેલા વિદ્યાર્થીનું હોસ્પિટલ પહોંચે એ પહેલા જ મોત થયું છે. મારામારી બાદ કાર ચાલક ફરાર થયો છે. સમગ્ર ઘટના અંગે બોપલ પોલીસે ગુનો નોંધી આગળની તપાસ હાથ ધરી છે.
પ્રાપ્ત રિપોર્ટ મુજબ, ગત રાત્રે મિત્રો સાથે પ્રિયાંશુ ફરવા નીકળ્યો હતો ત્યારે એક કારચાલક સાથે બબાલ થઈ ગઇ હતી. કારચાલક બેફામ રીતે કાર હંકારી રહ્યો હતો જેને લઈને આ લોકોએ સીધી રીતે કાર ચલાવવા કહ્યું હતું જેના પર મામલો ગરમાઈ ગયો અને કારચાલકે છરી વડે એક પછી એક ઘા કરી પ્રિયાંશુને લોહીલુહાણ કરી નાખ્યો હતો. હાલમાં આ મામલે પોલીસે વધુ તપાસ હાથ ધરી છે.
સમગ્ર ઘટનાને લઈ વાત કરવામાં આવે તો પોલીસ પણ પહેલા ચોંકી ઉઠી હતી કે મૃતક કયાનો છે અમદાવાદનો છે કે અમદાવાદની બહારનો છે પરંતુ ત્યારબાદ તપાસ કરતા સામે આવ્યું કે વિધાર્થી માઈકા કોલેજનો છે અને આ ઘટનાને લઈ પોલીસે કોલેજને પણ ધ્યાન દોર્યુ ત્યારે આગામી સમયમાં આરોપી ઝડપાય પછી જ સત્ય સામે આવી શકશે.મૃતકનું પીએમ થશે ત્યારબાદ મૃતદેહને પરિવારજનોને સોંપવામાં આવશે.