અમદાવાદ : અમદાવાદ શહેરના સરખેજ-ગાંધીનગર હાઈવે પર ગોતા વિસ્તારમાં દેવ સિટી નજીક લોટસ પાર્ક (ગાર્લેન્ડ ઓફ ઈન્ડિયા) બનાવવામાં આવશે. ભારતનું સૌથી પહેલું અને મોટું કમળ આકારનું આખું પાર્ક બનાવવામાં આવશે. એક જગ્યાએ જ ભારતના તમામ રાજ્યના ફૂલોને નિહાળી શકશે. દરેક પાંખડી ચોક્કસ રાજ્યના ફૂલનું પ્રદર્શન કરાશે. મ્યુનિસિપલ કોર્પોરેશન દ્વારા 20 કરોડના ખર્ચે આ લોટસ પાર્ક બનાવવા માટેના કામને આજે મળેલી સ્ટેન્ડિંગ કમિટીમાં મંજૂરી આપવામાં આવી છે. આખું પાર્ક 50 કરોડના ખર્ચે બનાવવામાં આવશે.
પ્રાપ્ત રિપોર્ટ મુજબ, અમદાવાદના ગોતા વોર્ડમાં એસ.જી.હાઈવે ખાતે દેવસીટી પાસે ટી.પી.સ્કીમ.-૨૯ના ફાઈનલ પ્લોટ-૪ ખાતે લોટસપાર્ક ડેવલપ કરવાનુ આયોજન આ વર્ષના બજેટમાં કરવામાં આવ્યુ હતુ.સ્ટેન્ડિંગ કમિટીની બેઠક પછી ચેરમેન દેવાંગ દાણીએ કહયુ,આ પ્રોજેકટનો આકાર કમળના રુપમાં લેવામાં આવ્યો છે.જયાં દરેક પાંખડી દેશના જુદા જુદા રાજયના ફુલોનુ પ્રદર્શન કરશે.દેશના તમામ રાજયના ફુલની પાંખડી ટેબલેટ રુપમા એક જ સ્થળે પ્રદર્શિત કરવામાં આવશે.પ્રોજેકટ નેટ ઝીરો એનર્જી થીમ ઉપર વિકસાવાશે.લેન્ડ સ્કેપ ડેવલપમેન્ટ, જાહેર સુવિધા તથા પાર્કિંગ વ્યવસ્થા સાથે આ પ્રોજેકટ તૈયાર થશે.જે દેશમાં આ પ્રકારનો પ્રથમ પ્રોજેકટ હશે.
આ પાર્કમાં ફ્લોરલ મ્યુઝિયમમાં વિશ્વના વિવિધ ભાગોના વિવિધ ફૂલોનું પ્રદર્શન કરશે. ફૂલોની દુકાનમાં ફ્લાવર પ્રોડક્ટ્સ ખરીદી શકશે છે. અહીં ફ્લોરલ વેલનેસનો પણ લાભ લઈ શકશે. આ પ્રોજેક્ટ નેટ ઝીરો એનર્જી કોન્સેપ્ટ પર વિકસાવવામાં આવશે. સિવિલ, ઇલેક્ટ્રિકલ, સ્ટ્રક્ચરલ, MEP, ટેકનોલોજી, આસપાસના લેન્ડસ્કેપ ડેવલપમેન્ટ, જાહેર સુવિધા સુવિધાઓ, પાર્કિંગ વગેરે હશે.