અમદાવાદ : અમદાવાદ સહિત દેશના મ્યુઝિક લવર્સ જે દિવસની રાહ જોતા હતા એ 25 અને 26 જાન્યુઆરીનો દિવસ આવી ચૂક્યો છે. નરેન્દ્ર મોદી સ્ટેડિયમમાં યોજાવા જઈ રહેલી બ્રિટિશ રોક બેન્ડ કોલ્ડપ્લે કોન્સર્ટને હવે ગણતરીના કલાકો બાકી છે.ત્યારે આ કોન્સર્ટની ટિકિટ તમને નથી મળી કે પછી કોઈ કારણોસર તમે આ કોનસર્ટ જોવા નથી જઈ શકતા તો હવે ચિંતા કરવાની જરુર નથી તમે ઘરે બેઠા જ આ કોન્સર્ટ Live જોઈ શકો છો. જી હા, કોલ્ડપ્લેનો અમદાવાદ કોન્સર્ટ OTT પર લાઈવ સ્ટ્રીમ કરવામાં આવી રહ્યો છે.
પ્રાપ્ત રિપોર્ટ મુજબ, OTT પ્લેટફોર્મ Disney+Hotstar એ કોલ્ડપ્લે સાથે ભાગીદારી કરી છે. આ અંતર્ગત, 26 જાન્યુઆરીએ, પ્રજાસત્તાક દિવસ નિમિત્તે, અમદાવાદના સૌથી મોટા સ્ટેડિયમમાં કોલ્ડપ્લેના કોન્સર્ટનું Live પ્રસારણ કરવામાં આવશે. આ સમાચાર બેન્ડના ચાહકો માટે એક સારા સમાચાર છે કારણ કે ભારત પ્રવાસની જાહેરાત પછી, કોન્સર્ટની ટિકિટો થોડીવારમાં જ વેચાઈ ગઈ હતી.
On Jan 26, Coldplay’s biggest ever show will stream LIVE from Ahmedabad across all of India on #DisneyPlusHotstar ✨💫#ParadiseForAll #MusicOfTheSpheresWorldTour #ColdplayOnHotstar #ColdplayIndia 🧡🤍💚 pic.twitter.com/FO4xNlx60L
— Disney+ Hotstar (@DisneyPlusHS) January 17, 2025
‘ડિઝની પ્લસ હોટસ્ટાર’ કહે છે કે તે આ કોન્સર્ટને શ્રેષ્ઠ ગુણવત્તામાં સ્ટ્રીમ કરશે. જેથી લાઈવ પર્ફોર્મન્સની vibe સીધી દર્શકો સુધી પહોંચાડી શકાય. રસપ્રદ વાત એ છે કે, #ParadiseForAll અનુભવ આપવા માટે, OTT પ્લેટફોર્મ ફક્ત કોન્સર્ટનું લાઈવ સ્ટ્રીમિંગ જ નહીં પરંતુ તેના સબ્સ્ક્રાઇબર્સને બેન્ડના પડદા પાછળના વિશિષ્ટ ફૂટેજ પણ જોવા મળશે.
કોલ્ડપ્લે બેન્ડના મુખ્ય ગાયક ક્રિસ માર્ટિન કહે છે, ‘અમને એ જાહેરાત કરતા આનંદ થાય છે કે 26 જાન્યુઆરીએ અમદાવાદમાં અમારો શો ‘ડિઝની+ હોટસ્ટાર’ પર લાઇવ સ્ટ્રીમ કરવામાં આવશે.’ તમે તેને ભારતમાં ગમે ત્યાંથી જોઈ શકો છો. અમને આશા છે કે તમે અમારી સાથે જોડાશો.
કોલ્ડપ્લેનો અમદાવાદ કોન્સર્ટ 26 જાન્યુઆરી, 2025 ના રોજ સાંજે 6 વાગ્યે ડિઝની+ હોટસ્ટાર પર સ્ટ્રીમ થશે. આ જોવા માટે, તમારી પાસે OTT પ્લેટફોર્મનું સબ્સ્ક્રિપ્શન હોવું આવશ્યક છે.