અમદાવાદ : અમદાવાદના શહેરીજનોમાં જાહેર પરિવહન સેવાના ક્ષેત્રે AMTS અનેક પ્રકારનાં ધાંધિયાં છતાં પણ પ્રીતિપાત્ર બની રહી છે, કેમ કે AMTS બસ સર્વિસ શહેરના ખૂણે ખૂણે દોડી રહી છે. બીજી તરફ AMTSના સત્તાવાળાઓ પણ વિવિધ પ્રકારની સેવાઓમાં સતત વૃદ્ધિ કરવાની દિશામાં પ્રયાસો કરી રહ્યા છે, જેના પરિણામે આગામી ઉનાળાની સિઝન દરમિયાન ગરમીને લઈને મ્યુનિસિપલ ટ્રાન્સપોર્ટ સર્વિસ દ્વારા હવે AMTSની બસોની છત ઉપર સફેદ કલર કરવા અંગેનો નિર્ણય લીધો છે.
પ્રાપ્ત રિપોર્ટ મુજબ, અમદાવાદ મ્યુનિસિપલ કોર્પોરેશનની પરિવહન સેવા એવી AMTS બસ હવે AC કરવામાં આવી છે પરંતુ 800 માંથી મોટા ભાગની બસો NON AC છે. ઉનાળામાં મુસાફરોને ગરમીમાં રાહત આપવા માટે AMTS બસો ઉપર સફેદ કલર કરાવવામાં આવશે. વિશેષ કલર થવાના કારણે ઉપરની છતથી આવતી ગરમી ઓછી થશે અને મુસાફરોને બહાર કરતાં અંદર 2 થી 3 ડીગ્રી ગરમી ઓછી લાગશે. માત્ર બસોમાં જ નહીં પરંતુ મુખ્ય બસ સ્ટેન્ડો ઉપર પણ ઉનાળાની સિઝન દરમિયાન મુસાફરોને રાહત મળે તેના માટે ગ્રીન નેટ બાંધવામાં આવશે તેમજ કુલરની પણ વ્યવસ્થા કરવામાં આવશે.આ નિર્ણયથી અમદાવાદીઓને ઉનાળાની સિઝન દરમિયાન ગરમીથી રાહત મળશે.
આગામી ઉનાળાની સિઝન દરમિયાન ગરમીને લઈને મ્યુનિસિપલ ટ્રાન્સપોર્ટ સર્વિસ દ્વારા હવે AMTSની બસોની છત ઉપર સફેદ કલર કરવા અંગેનો નિર્ણય લીધો છે. બસમાં બેથી ત્રણ ડિગ્રી તાપમાન ઓછું થઈ શકે તેને લઈને આ કલર કરાવવામાં આવશે. જોકે, આ ખર્ચની વસુલાત ખાનગી એજન્સીઓ પાસેથી કરવામાં આવ્યું હોવાનું જાણવા મળ્યું છે. મોટા બસ સ્ટેન્ડ પર કુલર કે પંખા લગાવવાની દિશામાં પણ વિચારણા હાથ ધરી છે. સાથે મોટા બસ સ્ટેન્ડ પર ગ્રીન નેટ બાંધવામાં આવશે.
