અમદાવાદ : અમદાવાદમાં પોલીસબેડા સાગમટે બદલીઓ થતાં ખળભળાટ મચી જવા પામ્યો છે.અમદાવાદ પોલીસ કમિશનર જી.એસ.મલિકે 1543 પોલીસકર્મીઓની બદલી કરી છે. ASI થી લઈને પોલીસ કોન્સ્ટેબલ સુધીના પોલીસ કર્મચારીઓની તાત્કાલિક અસરથી બદલી કરવામાં આવી છે.
પ્રાપ્ત રિપોર્ટ મુજબ, અમદાવાદ પોલીસ કમિશનર જી.એસ.મલિક દ્વારા 1543 પોલીસ કર્મીઓની બદલી કરવામાં આવી છે. 1543 કોન્સ્ટેબલ અને હેડ કોન્સ્ટેબલ સુધીના પોલીસ કર્મીઓની તાત્કાલિક અસરથી બદલી કરવામાં આવી છે. જેમાં ક્રાઇમ બ્રાન્ચ સહિતના મહત્ત્વના સ્થળ પર ફરજ બજાવતાં મોટાભાગના સ્ટાફને ફેરવી દેવાયો છે. આ તમામ પોલીસ કર્મી છેલ્લા પાંચ વર્ષથી એક જ જગ્યા પર ફરજ બજાવી રહ્યાં હતા.
પોલીસ કમિશરે કરેલી બદલીના ઓર્ડરમાં કડક શબ્દોમાં જણાવ્યું છે કે કોઇએ વળતો પત્રવ્યવહાર પણ કરવો નહીં અને બદલી કરવામાં આવેલા પોલીસ સ્ટેશન ખાતે હાજર થઇ જવું. મહત્ત્વપૂર્ણ છે કે આ પહેલા પણ અમદાવાદ પોલીસ કમિશનર દ્વારા 1500થી વધુ પોલીસ કર્મીઓની બદલી કરવામાં આવી હતી.