અમદાવાદ : એકબાજુ અસામાજીક તત્ત્વો કાયદાને પડકારી રહ્યા છે અને બીજીબાજુ વાહનચાલકો બેફામ થઈને રસ્તા પર વાહન હાંકી રહ્યા છે. આ વખતે પણ આવો જ એક બનાવ બન્યો છે. ઘટના એમ છે કે, અમદાવાદના તપોવન સર્કલ પાસે એક ભયંકર અકસ્માત સર્જાયો છે. આ અકસ્માત તપોવન સર્કલથી ઝુંડાલ બાજુના પટ્ટે સર્જાયો છે.જેમાં હિના પંચાલ નામની 25 વર્ષની યુવતીનું ઘટનાસ્થળે જ મોત નીપજ્યું છે. અડાલજ પોલીસે ગુનો નોંધી અકસ્માત સર્જનાર કાર ચાલક મોહિત ગુપ્તાની પોલીસે ધરપકડ કરી છે.
પ્રાપ્ત રિપોર્ટ મુજબ, અમદાવાદના તપોવન સર્કલ પાસે પૂરપાટ આવતી કારે બાઈક પર આવતી યુવતીને અડફેટે લઈને ફંગોળી હતી. જે બાદ 25 વર્ષની યુવતી હિના પંચાલનું ઘટના સ્થળે જ મોત નીપજ્યું હતું.આ યુવતી ચાંદખેડામાં રહેતી હતી. હિના ગાંધીનગરથી નોકરી પતાવીને બાઈક પર પોતાના ઘર તરફ જઈ રહી હતી. આ દરમિયાન આ ગોઝારો અકસ્માત થયો છે.અકસ્માત બાદ અડાલજ પોલીસે ગુનો નોંધીને કાર ચાલકની ધરપકડ કરી વધુ તપાસ શરૂ કરી છે.
અકસ્માત બાદ અડાલજ પોલીસે ગુનો નોંધીને કાર ચાલકની ધરપકડ કરી વધુ તપાસ શરૂ કરી છે. પોલીસે કારચાલકની કાર્યવાહી કરતાં એવું જાણવા મળ્યું છે કે, અને તે સાઉથ બોપલમાં રહે છે. અને યુવક મેરેજ ઈવેન્ટમાં કામ કરે છે. યુવકે પોલીસ કાર્યવાહી દરમિયાન કબૂલ્યું છે કે, ઊંઘ આવી જતા આ અકસ્માત સર્જાયો છે.
મૃતક દીકરીના પિતાએ મીડિયા સાથેની વાતચીતમાં અપીલ કરતા જણાવ્યું છે કે, આરોપીને કડકમાં કડક સજા થવી જોઈએ. અમારા ઘરનો ચિરાગ બુઝાયો છે. હવે અમે આ ઉંમરે એકલા થઈ ગયા છે. અમને ન્યાય મળવો જોઈએ.