અમદાવાદ : અમદાવાદમાં ભારે ગરમી અને ભારે પવન બાદ સમીસાંજે ભારે વરસાદ ખાબક્યો હતો. મળતી માહિતી મુજબ, અમદાવાદ શહેરના અનેક વિસ્તારોમાં ગાજ વીજ સાથે વરસાદ ખાબક્યો છે, શહેરના નવા વાડજ, નારણપુરા, SG હાઈવે, સેટેલાઈટ, બોપલ, આંબલી, શેલા, સરખેજ સહિતના વિસ્તારોમાં ગાજવીજ સાથે વરસાદ ખાબક્યો છે. તો બીજી તરફ ઘી કાંટા વિસ્તારમાં ભરાયેલા વરસાદી પાણી વચ્ચે એક વ્યક્તિને વીજ કરંટ લાગ્યો છે. મોટી હમામની પોળ નજીક વીજ કરંટ લાગતા એકનું મોત નીપજ્યુ છે.
પ્રાપ્ત રિપોર્ટ મુજબ, અમદાવાદ શહેરના મિર્ઝાપુર વિસ્તારમાં ઘી કાંટા નજીક પોળ પાસે 20 વર્ષીય યુવકને મ્યુનિસિપલ કોર્પોરેશનના ઇલેક્ટ્રીક પોલનો કરંટ લાગ્યો હતો. જેથી તેનું મોત થયું છે. ઈલેક્ટ્રીક પોલનો વાયર ખુલ્લો હોવાના કારણે પાણીમાં યુવકને કરંટ લાગતા ઘટના સ્થળે જ મોત થયું છે. ફાયર બ્રિગેડની ટીમને જાણ કરવામાં આવતા તાત્કાલિક ઘટના સ્થળે પહોંચી હતી. સ્થાનિકોએ ફાયર બ્રિગેડ, 108 અને કોર્પોરેશનને જાણ કરવામાં આવી હતી. મીઠાખળી અન્ડર પાસ પાણીને લઈને બંધ કરાયો છે.જેથી વાહનચાલકો પરેશાન થયા છે.
અમદાવાદ શહેરમાં ભારે પવન સાથે પડેલા વરસાદ વચ્ચે 15 થી વધારે જગ્યા પર વૃક્ષ ધરાશાયી થયા છે. તો બીજી તરફ ઘી કાંટા વિસ્તારમાં ભરાયેલા વરસાદી પાણી વચ્ચે એક વ્યક્તિને વીજ કરંટ લાગ્યો છે. મોટી હમામની પોળ નજીક વીજ કરંટ લાગતા એકનું મોત નીપજ્યુ છે. ઇલેક્ટ્રીક પોલ પાસે પસાર થતા વ્યક્તિને વીજ કરંટ લાગતા મોત નીપજયું છે.