અમદાવાદ : શહેરના પશ્ચિમ વિસ્તારમાં આવેલ ગોતામાં દેવનગર ગામ નજીક એચપી પેટ્રોલ પમ્પ સામે મ્યુનિ. મિની સ્પોર્ટ્સ કોમ્પ્લેક્સ બનાવશે, જેમાં ઇન્ડોર અને આઉટડોર ગેમની સુવિધા હશે. આ સિવાય પ્રેક્ષકો માટે જરૂરી વ્યવસ્થા પણ રહેશે. જ્યારે ચેન્જિંગ રૂમ, ઓલિમ્પિક સાઇઝનો સ્વિમિંગ પૂલ તૈયાર કરાશે. સ્પોર્ટ્સ કોમ્પ્લેક્સમાં 110 ટુવ્હીલર અને 71 ફોર વ્હીલર પાર્ક કરવાની ક્ષમતા હશે. અંદાજે 30.50 કરોડના ખર્ચે બે વર્ષમાં કામગીરી પૂરી કરાશે.
પ્રાપ્ત રિપોર્ટ મુજબ, ગોતા વોર્ડમાં આવેલી ટી.પી.સ્કીમ નંબર-32ના ફાયનલ પ્લોટ નંબર-162ના પાર્ટ પ્લોટમાં મીની સ્પોર્ટસ કોમ્પલેકસ બનાવવા કોન્ટ્રાકટર શ્રીજી કૃપા પ્રોજેકટ લિમિટેડના ટેન્ડરને મંજુરી અપાઈ છે.જેમાં ઇન્ડોર અને આઉટડોર ગેમની સુવિધા હશે.સ્પોર્ટસ કોમ્પલેકસના ઈન્ડોર બિલ્ડિંગમાં 1250 ચોરસમીટર જગ્યામાં ઓલિમ્પિક સાઈઝના સ્વિમિંગપુલ ઉપરાંત 811 ચોરસ મીટર જગ્યામાં મલ્ટિ પર્પઝ કોર્ટ હોલ તૈયાર કરાવાશે.190 ચોરસમીટર જગ્યામાં ફુડ કોર્ટ તેમજ જયુસ બાર, મેડીકલ રુમ, શાવર ચેઈન્જિંગ રુમ વગેરેની સગવડ હશે.630 ચોરસમીટર જગ્યામાં બે ટેનિસ કોર્ટ, 130 ચોરસમીટર જગ્યામાં એક કબડી કોર્ટ,372 ચોરસમીટર જગ્યામાં આઉટડોર જીમ પણ તૈયાર કરાશે.આ ઉપરાંત ટુ વ્હીલર અને ફોર વ્હીલર પાર્કિંગ પણ હશે.અંદાજે 30.50 કરોડના ખર્ચે બે વર્ષમાં કામગીરી પૂરી કરાશે.
આ ઉપરાંત નવા વાડજ વોર્ડમાં આવેલા રાણીપ વિસ્તારમાં રોનક સોસાયટી પાસે ટી.પી.સ્કીમ નંબર-1ના ફાયનલ પ્લોટ નંબર-9માં આવેલા ખુલ્લા પ્લોટને રુપિયા રુપિયા 78 કરોડના ખર્ચે મલ્ટિ પર્પઝ સ્પોટર્સ સંકુલ તરીકે ડેવલપ કરવા કોન્ટ્રાકટર યમુનેશ કન્સ્ટ્રકશનને કામગીરી અપાઈ છે.પાલડી વિસ્તારમાં ટેનીસ કોર્ટ વાળા પ્લોટનો કુલ એરીયા 3885 ચોરસ મીટર છે. આ પૈકી 1369 ચોરસ મીટર જગ્યામાં ટેનીસ કોર્ટ આવેલી છે.આ સિવાયની જગ્યામાં રુપિયા 39.72 લાખના ખર્ચથી પ્લે ગ્રાઉન્ડ બનાવવા કોન્ટ્રાકટર દ્વારકેશ કન્સ્ટ્રકશનને કામ અપાયુ છે.