અમદાવાદ : આજે એટલે કે 21 જૂને ગુજરાત સહિત દેશમાં અને આખા વિશ્વમાં 11મો આંતરરાષ્ટ્રીય યોગ દિવસ ઉજવવામાં આવી રહ્યો છે. આ વર્ષે ખાસ કાર્યક્રમ ‘યોગ સંગમ’ હેઠળ દેશભરમાં એક લાખથી વધુ સ્થળોએ સવારે લોકો સામાન્ય યોગ પ્રોટોકોલ અનુસાર સામૂહિક રીતે યોગ કર્યો.
પ્રાપ્ત વિગતો મુજબ, અમદાવાદના ઘાટલોડિયા સ્થિત જ્ઞાનદા ગર્લ્સ હાઇસ્કૂલમાં પણ યોગ દિવસની ઉજવણી કરવામાં આવી હતી.આ પ્રસંગે બ્રહ્માકુમારી વિશ્વવિદ્યાલયના બહેનોએ ખાસ ઉપસ્થિત રહી જ્ઞાનદા ગર્લ્સ હાઇસ્કૂલની 180 થી વધુ વિધાર્થીનીઓને યોગ કરાવ્યા અને આરોગ્ય સાથેના સંયોજનની સમજણ આપવામાં આવી હતી.
શાળામાં આંતરરાષ્ટ્રીય યોગ દિવસની ઉજવણી ઉત્સાહપૂર્વક કરવામાં આવી. બધા વિદ્યાર્થીઓ અને શિક્ષકોએ સંપૂર્ણ ઉર્જા સાથે યોગ કર્યા હતા.શાળામાં વિદ્યાર્થીઓ અને શિક્ષકોએ વરિષ્ઠ શિક્ષકોના વખાણમાં બધા આસનો કર્યા.આ યોગ દિવસ દરેક માટે સ્વસ્થ જીવન તરફ એક પહેલ હતી.
