અમદાવાદ : અમદાવાદમાં આજે મેઘરાજાએ તોફાની બેટિંગ કરી છે. શહેરના ગોતા, સોલા, એસ.જી.હાઇવે, ઘાટલોડિયા, નારાણપુરા, બોપલ, ઘુમા, શેલા, ચાણક્યપુરી, નવરંગપુરા, મણિનગર, ઇસનપુર, ઇન્કમટેક્સ જેવા વિસ્તારોમાં ભારે વરસાદ વરસ્યો છે. શહેરના વિવિધ વિસ્તારોમાં ભારે વરસાદ વરસતા વિઝિબલિટી ઘટી ગઇ હતી. જેના કારણે વાહનચાલકોને ભારે હાલાકીનો સામનો કરવો પડ્યો હતો. નીચાણવાળા વિસ્તારોમાં પાણી ભરાઇ જતા લોકોને પારાવાર મુશ્કેલીનો સામનો કરવો પડ્યો છે.
પ્રાપ્ત રિપોર્ટ મુજબ, અમદાવાદમાં કાળા ડિબાંગ વાદળોથી અંધારપટ છવાયો છે. વાદળછાયા વાતાવરણ વચ્ચે બપોર બાદ ધોધમાર વરસાદ શરૂ થયો હતો. શહેરના સાબરમતી, ચાંદખેડા, થલતેજ, એસ. જી. હાઈવે, મકરબા, સરખેજ, રાણીપ, અખબારનગર સહિતના વિસ્તારમાં વરસાદ સરસી રહ્યો છે. ભારે વરસાદને પગલે રોડ પર પાણી વહેતા થતાં વાહનચાલકોને હાલાકીનો સામેનો કરવો પડ્યો છે.
અમદાવાદના અનેક વિસ્તારોમાં વરસાદના કારણે રોડ-રસ્તા પર પાણી ફરી ગયા છે. બીજી બાજું પૂર્વ વિસ્તાર બાપુનગર, નરોડામાં પણ ભારે વરસાદ જોવા મળી રહ્યો છે.નરોડા,કૃષ્ણનગર,નિકોલ,ઓઢવ જેવા અનેક વિસ્તારોમાં વરસાદ વરસ્યો હતો. પૂર્વ વિસ્તાર તેમજ પશ્ચિમ વિસ્તારમાં અનેક જગ્યાએ મેઘરાજાની બેટિંગ જોવા મળી હતી. વરસાદી માહોલને લઈને શહેરમાં ઠંડક પ્રસરી હતી.
અખબારનગર અંડરપાસ પાણી ભરાતા બંધ કરવામાં આવ્યો છે. આ ઉપરાંત RTO સર્કલમાં પણ પાણી ભરાતા વરસાદના પગલે વાહન ચાલકોને હાલાકી પડી હતી. હવામાન વિભાગ દ્વારા પાંચથી સાત દિવસ કરવામાં આવી છે હળવા થી મધ્યમ વરસાદની આગાહી કરવામાં આવી છે.