અમદાવાદ : ગુજરાત પોલીસ વિભાગ દ્વારા રાજ્યમાં કાયદો અને વ્યવસ્થા જાળવવા માટે એક મહત્વપૂર્ણ નિર્ણય લેવામાં આવ્યો છે. ગુજરાત પોલીસ દ્વારા આગામી 3થી 17 સપ્ટેમ્બર સુધી રાજ્યભરમાં એક ખાસ ડ્રાઇવ ચલાવવામાં આવી રહી છે. જેમાં પ્રથમ દિવસે 311 વાહનો પર કાળા કાચના ઉલ્લંઘન માટે રૂપિયા 1.18 લાખ અને 129 વાહનો પર નંબર પ્લેટ ન હોવાના કેસમાં રૂપિયા 72,000નો દંડ વસૂલવામાં આવ્યો હતોઆ ડ્રાઇવનો મુખ્ય હેતુ નંબર પ્લેટ વગરની અને કાળા કાચવાળી ગાડીઓ સામે કડક કાર્યવાહી કરવાનો છે.
પ્રાપ્ત રિપોર્ટ મુજબ, ગુજરાતના સૌથી મોટા શહેરમાં, ટ્રાફિક નિયમોનું ઉલ્લંઘન કરતા વાહનો સામે કડક કાર્યવાહી માટે પોલીસે ખાસ ડ્રાઈવ શરૂ કરી છે. અમદાવાદ શહેર પોલીસે આ ઝુંબેશના પ્રથમ દિવસે જ કડક કાર્યવાહી હાથ ધરી હતી. સુભાષબ્રિજ RTO નજીક અને શહેરના અન્ય વિસ્તારોમાં અનેક વાહનોની તપાસ કરવામાં આવી, જેમાં કાળા કાચવાળી ગાડીઓ અને નંબર પ્લેટ વગરના વાહનો પર ખાસ ધ્યાન આપવામાં આવ્યું. આ ઉપરાંત, ST બસના ડ્રાઈવરો દ્વારા સીટ બેલ્ટ ન પહેરવાના કેસમાં પણ પોલીસે દંડની કાર્યવાહી કરી છે. પ્રથમ દિવસે 311 વાહનો પર કાળા કાચના ઉલ્લંઘન માટે રૂપિયા 1.18 લાખ અને 129 વાહનો પર નંબર પ્લેટ ન હોવાના કેસમાં રૂપિયા 72,000નો દંડ વસૂલવામાં આવ્યો હતો.
નંબર પ્લેટ વગરના વાહનો કાયદાકીય રીતે માન્ય નથી, કારણ કે તેનાથી વાહન માલિકની ઓળખ થઈ શકતી નથી. તેવી જ રીતે, કાળા કાચવાળી ગાડીઓમાં અંદર બેઠેલા લોકો સરળતાથી જોઈ શકાતા નથી, જેના કારણે ગુનેગારો માટે આવી ગાડીઓ છૂપાવા માટેનું ઉત્તમ સાધન બની રહે છે. આ કારણોસર પોલીસ વિભાગે આવા વાહનોને શોધી કાઢવા અને નિયમોનું ઉલ્લંઘન કરનારા માલિકો સામે કડક કાનૂની પગલાં લેવા માટેનો નિર્ણય લીધો છે.