અમદાવાદ : અમદાવાદ સહીત સમગ્ર ગુજરાતમાં અવાર નવાર રફતારને કારણે સર્જાતા મૃ્ત્યુના આંકડામાં વધારો થતો જોવા મળી રહ્યો છે. એવામાં અમદાવાદના દાણીલીમડા વિસ્તારમાં અમદાવાદ કોર્પોરેશનના ડમ્પરે જ અકસ્માત સર્જ્યો છે. ડમ્પરના ટાયર નીચે આવી જતા તેનું માથું અને શરીરનો અડધો ભાગ છુંદાઈ ગયો હતો. લોકોના ટોળેટોળા ભેગા થઈ ગયા હતા. ડમ્પરચાલક દાણીલીમડા પોલીસ સ્ટેશન ખાતે હાજર થઈ ગયો હતો. આ મામલે કે ડિવિઝન ટ્રાફિક પોલીસે ગુનો નોંધી આરોપી ડમ્પરચાલકની ધરપકડ કરી છે.
પ્રાપ્ત રિપોર્ટ મુજબ, શહેરના દાણીલીમડા વિસ્તારમાં કલંદરી મસ્જિદ પાસે રહેતો અમન શેખ (ઉં.વ.20) નામનો યુવક શાહઆલમ ખાતે ડાયાબિટીસની દવા લેવા માટે મોપેડ લઈને નીકળ્યો હતો. દાણીલીમડા પોલીસ લાઈન પાસે પહોંચ્યો, ત્યારે મ્યુનિસિપલ કોર્પોરેશનનું સફાઈનું એક ડમ્પર ત્યાંથી પસાર થતું હતું અને તેની ટક્કર વાગતા તે નીચે પડકાયો હતો. યુવક ડમ્પરના ટાયર નીચે આવી જતા તેનું માથું અને શરીરનો ભાગ છુંદાઈ જતા ઘટનાસ્થળે જ તેનું મૃત્યુ થઈ ગયું હતું. ઘટનાને પગલે મોટી સંખ્યામાં લોકોના ટોળેટોળા ભેગા થઈ ગયા હતા. ડમ્પરચાલક પોતાનું ડમ્પર મૂકી અને સામે પોલીસ સ્ટેશન ખાતે હાજર થઈ ગયો હતો.
મોટી સંખ્યામાં લોકોના ટોળેટોળા ભેગા થઈ ગયા હતા અને સ્થાનિક લોકોમાં રોષ ફેલાયો હતો. આ મામલે યુવકના ફોન પરથી તેના પરિવારજનોને જાણ કરતા તેઓ પણ તાત્કાલિક ઘટનાસ્થળે પહોંચી ગયા હતા. પોલીસને જાણ કરવામાં આવતા પોલીસ પણ ઘટનાસ્થળે પહોંચી હતી. આ સમગ્ર મામલે કે ડિવિઝન ટ્રાફિક પોલીસ દ્વારા ગુનો નોંધીને આરોપી ડમ્પરચાલકની ધરપકડ કરી લેવામાં આવી છે.