અમદાવાદ : દિવાળીના શુભ તહેવારના આડે ગણતરીના દિવસો બાકી છે. ત્યારે આ દિવસોમાં સોના ચાંદીની ખરીદી શુભ માનવામા આવે છે. ત્યારે બીજુ બાજુ સોના ચાંદીની કિંમતોમાં પણ ભડકો જોવા મળી રહ્યો છે. પરંતુ આ વચ્ચે શહેરની એક પરંપરાગત રહેઠાણ સોસાયટીએ એક અનોખું ઉદાહરણ બનીને લોકોને આશ્ચર્યમાં મૂકી દીધા છે. આ સોસાયટીએ પોતાના 21 સભ્યોને દિવાળીની ખુશીમાં 100 ગ્રામ ચાંદી ભેટ તરીકે આપી, જે એકતા અને સમૃદ્ધિનું પ્રતીક બની રહી છે.
મીડિયા રિપોર્ટ મુજબ, અમદાવાદની 96 વર્ષ જુની કૃષ્ણ કો-ઓપરેટિવ હાઉસિંગ સોસાયટી લિમિટેડએ તેના 21 સભ્યોને 12 ઓક્ટોબરે દિવાળીના અવસરે 100 ગ્રામ ચાંદી ભેટમાં આપવાની જાહેરાત કરી છે. એક મીડિયાને સોસાયટીના ચેરમેન શૈલેષ પટવારીએ જણાવ્યું કે, “અમે સભ્યો પાસે મેઈટેન્સ ફી નથી લેતા, પરંતુ જુની આવકથી પૂરતા નાણાં છે. આ અગાઉ પણ 1994માં દરેક સભ્યોને 400 ગ્રામ સોનું આપ્યું હતું.આમ સોસાયટીએ પોતાના સભ્યોને દિવાળી ગીફટ રૂપે 100-100 ગ્રામ ચાંદીના સિક્કા આપતા ચર્ચામાં આવી છે.
આ સોસાયટી પાસે ઉત્સવોમાં સમૃદ્ધિ વહેંચવાની લાંબી પરંપરા છે. 1994માં તેણે દરેક સભ્યને 400 ગ્રામ સોનું આપીને એકતાનું પ્રદર્શન કર્યું હતું. શાંતિનિકેતન કો-ઓપરેટિવ હાઉસિંગ સોસાયટી, જે 100 વર્ષથી વધુ જૂની છે, તેને 2020થી 2022 સુધી ત્રણ વર્ષ સુધી 20 સભ્યોને ચાંદી આપી હતી. ત્યાના ચેરમેનનું કહેવું છે કે ભેટ સોગાદોના બદલે અમે રોકડ આપવી ઈચ્છા રાખીએ છીએ જેથી સંપત્તિમાં વધારો થાય છે. આપને જણાવી દઈએ કે આ વર્ષ પુષ્ય નક્ષત્રના દિવસે ચાંદીની કિંમતો 1.75 લાખ આસપાસ નોંધાઈ હતી.
પરંપરાગત સોસાયટીઓ પાસે હોલ, ખુલ્લી જમીન કે દુકાનો ભાડે આપવાની જેવા બહુવિધ આવકના સ્ત્રોતો હોય છે, જેનાથી તેમની સરપ્લસ રકમ બની શકે છે. જોકે, નવી સર્વિસ સોસાયટીઓ માટે આ સંભવ નથી, કારણ કે તેમની આવકના સ્ત્રોતો મર્યાદિત હોય છે.