અમદાવાદ : દિવાળીના તહેવારો દરમિયાન ઈમરજન્સી સમયે અમદાવાદઓને તબીબોની સેવા મળી રહે તે માટે અમદાવાદ મેડિકલ એસોસિએશન (AMA) અને અમદાવાદ ફેમિલી ફિઝિશિયન્સ એસોસિએશન (AFPA) દ્વારા ડોક્ટર ઓન કોલ સેવા શરૂ કરવામાં આવી છે. તહેવારોના પાંચ દિવસ દરમિયાન એટલે કે 19 ઓક્ટોબર થી 26 ઓક્ટોબર સુધી અમદાવાદના 86 થી વધુ ડોક્ટરોની સેવા લોકોને મળી રહે તે માટે અમદાવાદ મેડિકલ એસોસિએશન દ્વારા ડોક્ટર ઓન કોલ સેવા શરૂ કરાઇ છે.
પ્રાપ્ત વિગતો મુજબ, દિવાળીના તહેવારોમાં અમદાવાદ મેડિકલ એસોસિએશન (AMA) અને અમદાવાદ ફેમિલી ફિઝિશિયન્સ એસોસિએશન (AFPA) દ્વારા સામુદાયિક સ્વાસ્થ્ય માટે “ડોક્ટર ઓન કોલ” દિવાળી મેડિકલ હેલ્પલાઇન શરૂ કરવામાં આવી છે. અમદાવાદ મેડિકલ એસોસિએશનની ઓફિશિયલ વેબસાઈટ www.ahmedabadmedicalassociation.com ઉપરથી દર વર્ષની જેમ આ વર્ષે પણ તહેવારોની મોસમ દરમિયાન શહેરીજનો 24/7 તબીબી સહાય મેળવી શકશે. આ સમર્પિત હેલ્પલાઇન સેવા 19 ઓક્ટોબરથી 26 ઓક્ટોબર, 2025 સુધી કાર્યરત રહેશે.
છેલ્લા બાર વર્ષથી પણ વધુ સમયથી દર વર્ષે આયોજન અમદાવાદ મેડિકલ એસોસિયેશન દ્વારા કરવામાં આવે છે. તેથી તહેવારોના સમય દરમિયાન લોકોને ઈમરજન્સી સારવાર મળી રહે તે માટે તમામ ડોક્ટરોના સંપર્ક કરી શકાશે. આ તમામ ડોક્ટરોનો એરિયા વાઇસ સરનામું ફોન નંબર અમદાવાદ મેડિકલ એસોસિયેશનની વેબસાઈટ પર પણ ઉપલબ્ધ કરાવવામાં આવ્યા છે. સાથે સાથે મિર્ચી ન્યૂઝ દ્વારા આ સ્ટોરીમાં પણ તમામ એરિયા અનુસાર દિવાળીના તહેવાર દરમિયાન હાજર જે તબીબો રહેવાના છે તેમનું લિસ્ટ પણ મૂકવામાં આવ્યું છે. તેના પરથી આપ આપના વિસ્તારના નિષ્ણાંત તબીબની સેવા લઈ શકશો.
AMA અને AFPA ના ડોક્ટર સભ્યો દિવાળી દરમિયાન કોઈપણ સ્વાસ્થ્ય સંબંધિત કટોકટી અથવા પ્રાથમિક સારવાર અંગેના પ્રશ્નો માટે ફોન દ્વારા સ્વયંસેવક રીતે ઉપલબ્ધ રહેવાની સેવા આપશે. આ સેવાનો લાભ કોઇપણ શહેરીજન લઇ શકશે. આ સેવા સમાજના કલ્યાણ પ્રત્યેની ડોકટરોના પ્રતિબદ્ધતાનો એક ભાગ છે, જેથી ખાતરી કરી શકાય કે તહેવાર દરમિયાન કોઈ પણ વ્યક્તિ સમયસર તબીબી માર્ગદર્શન વિના ન રહે.
આ ઉપરાંત દિવાળીના તહેવાર દરમિયાન એલર્જી પોલ્યુશન એકસીડન્ટ અને દાઝી જવાના અનેક બનાવો સામે આવતા હોય છે જેના માટે આ સેવા આશીર્વાદરૂપ નીવડતી હોય છે.
સંયોજકો:
ડૉ. જિગ્નેશ શાહ (પ્રમુખ, AMA) – 93270 14487
ડૉ. મૌલિક શેઠ (માનદ સચિવ, AMA) – 98259 15464
ડૉ. સુનિલ પટેલ –
ડૉ. અમૃતલાલ મહેશ્વરી –