અમદાવાદ : અમદાવાદના રાણીપ વિસ્તારમાં સોનાની દુકાનમાં સોની એકલો બેઠો હતો ત્યારે એક મહિલા ઘૂસી ગઈ. ગ્રાહક બનીને તેણે અચાનક હાથમાં રહેલા મરચાના પાવડર સોનીની આંખોમાં નાખવાનો પ્રયાસ કર્યો. જોકે, જ્યારે મરચાનો પાવડર સોનીની આંખો સુધી ન પહોંચ્યો, ત્યારે સોની તરત જ ઉભો થઈ અને મહિલા પર સતત 20 લાફા માર્યા. આખી ઘટના CCTVમાં કેદ થઈ ગઈ. સોનીએ ફરિયાદ નોંધાવવાનો ઇનકાર કર્યો છે, પરંતુ પોલીસે મહિલાની તપાસ શરૂ કરી છે.
પ્રાપ્ત રિપોર્ટ મુજબ, રાણીપ વિસ્તારમાં આ ઘટના ત્રણેક દિવસ પહેલા બની હતી. રાણીપ શાકમાર્કેટ પાસે સોના-ચાંદીની દુકાનમાં બપોરના સમયે સોની બેઠા હતા. ત્યારે એક મહિલા ગ્રાહક બનીને આવી હતી. આ મહિલા દુકાનમાં આવતાં જ તેણે પોતાની પાસેનો મરચાંનો પાઉડર સોનીની આંખમાં નાખીને લૂંટ કરવાનો પ્રયાસ કર્યો હતો.જોકે આ પાઉડર સોનીની આંખમાં ગયો નહોતો. બાદમાં સોનીને મહિલાના ઇરાદાની જાણ થતાં તેણે પોતાની જગ્યાએથી ઊભા થઈને મહિલાને એક બાદ એક 20 લાફા મારી દીધા હતા.સોની ટેબલ પરથી કૂદી ગયો અને મહિલાને દુકાનમાંથી બહાર ખેંચી ગયો. સમગ્ર ઘટના CCTVમાં કેદ થઈ ગઈ.
રાણીપ પોલીસ સ્ટેશનના ઇન્સ્પેક્ટર કેતન વ્યાસે જણાવ્યું કે સોની ફરિયાદ નોંધાવવાનો ઇનકાર કરી રહ્યો છે, પરંતુ પોલીસે CCTV ફૂટેજના આધારે મહિલાની તપાસ શરૂ કરી દીધી છે.