Saturday, November 21, 2026

અમદાવાદનું 17,018 કરોડનું ડ્રાફ્ટ બજેટ રજૂ, શહેરમાં 11 નવા સ્પોર્ટ્સ કોમ્પ્લેક્સ, 5 રેલવે ઓવરબ્રિજ બનશે

spot_img
Share

અમદાવાદ : અમદાવાદ મ્યુનિસિપલ કોર્પોરેશનનું વર્ષ 2026- 27નું ડ્રાફ્ટ બજેટ આજે (4 ફેબ્રુઆરી)મ્યુનિસિપલ કમિશનર બંછાનિધિ પાની દ્વારા રજૂ કરવામાં આવ્યું છે. આ બજેટ રૂ. 17018 કરોડનું છે. ચાલુ વર્ષે બજેટમાં સ્પોર્ટ્સ ઇન્ફ્રાસ્ટ્રક્ચરમાં માટે 6 સ્પોર્ટ્સ કોમ્પ્લેક્સ અને 5 મિનિ સ્પોર્ટ્સ કોમ્પ્લેક્સ બનાવવામાં આવશે.જેમાં અનેક મોટી જાહેરાતો કરવામાં આવી છે.

પ્રાપ્ત વિગતો મુજબ, આગામી વર્ષે અમદાવાદ મ્યુનિસિપલ કોર્પોરેશનની ચૂંટણીઓ યોજાવાની હોવાથી કમિશનર દ્વારા રજૂ કરવામાં આવનારા ડ્રાફ્ટ બજેટમાં કોઈ નવા વેરા ઝીંકવામાં આવ્યા નથી. જેના કારણે બજેટમાં લોકપ્રિય જાહેરાતો પર વધુ ભાર મૂકવામાં આવી છે.

અમદાવાદમાં હેરિટેજ માટે રૂ.49 કરોડનું બજેટ ફાળવવામાં આવ્યું છે. હેરિટેજ પોળ અને ગેટ રીસ્ટોરેશન માટે 15 કરોડ રૂપિયા ફાળવવામાં આવ્યા છે. ખાડિયા વોર્ડમાં આવતી સાંકડી શેરીને 10 કરોડ રૂપિયાના ખર્ચે ડેવલોપમેન્ટ કરવામાં આવશે. સર્વ વિસ્તારમાં દાદા હરિની વાવ અને માત્ર ભવાનીની વાવની આસપાસના વિસ્તારને પણ 10 કરોડના ખર્ચે વિકસાવવામાં આવશે. 4.50 કરોડના ખર્ચે પ્રેમ દરવાજાને દરીયાપુર દરવાજા વિસ્તારમાં પ્રીસીન્ટ અને જંકશન ડેવલોપમેન્ટ કરાશે. ખાન જહાન અને ચાંદ શહીદ ફોર્ટ વોલગેટનું 2.50 કરોડ પણ રીસ્ટોરેશન થશે.

ચાલુ વર્ષે બજેટમાં મ્યુનિસિપલ કમિશનર દ્વારા મહિલાઓ માટે નવા 25 જેટલા પિંક ટોઇલેટની જાહેરાત કરવામાં આવી છે. પશ્ચિમ વિસ્તારમાં 11 અને પૂર્વ વિસ્તારમાં 14 જેટલા પિંક ટોયલેટ બનાવવામાં આવશે. જોધપુર વિસ્તારમાં મહિલા જીમની પણ જાહેરાત કરવામાં આવી છે. 5 ઘોડિયા ઘર બનાવવામાં આવશે. બાળકો માટે 50 માર્ક્સ અને નવી 100 આંગણવાડી પણ બનાવવામાં આવનાર છે.

બોપલ રીંગરોડથી ઘુમા સુધી અને નહેરુનગરથી શિવરંજની થઈ સેટેલાઈટ રામદેવનગરથી ઇસ્કોન સુધી એલિવેટેડ કોરીડોર બનાવવાની જાહેરાત કરવામાં આવી છે. પાંચ રેલવે ઓવરબ્રિજ અને ત્રણ ફ્લાય ઓવરબ્રિજ બનાવવાની પણ જાહેરાત કરવામાં આવી છે.

ચાલુ વર્ષે કરવેરામાં કોઈ વધારો કરવામાં આવ્યો નથી. દર વર્ષે ટેક્સમાં બે ટકા ટેકસમાં વધારો કરવા અંગેની જોગવાઈ બે વર્ષ પહેલાના બજેટમાં થઈ ચૂકી હતી જેથી હવે દર વર્ષે ટેક્સમાં વધારો કરવાની કોઈ જાહેરાત કરવામાં આવતી નથી. ઓટોમેટીક બે ટકા ટેક્સમાં વધારો થઈ જાય છે.

અમદાવાદને શું નવું મળશે ?

1000 કરોડના ખર્ચે બે એલિવેટેડ કોરિડોર બનશે. નેહરુનગરથી ઈસ્કોન તથા બોપલ રીંગ રોડથી ઘુમા સુધી કોરિડોર બનશે.
700 કરોડના ખર્ચે 200 કિમીના રોડ બનશે. જે યુટિલિટી માટે ડક્ટ લાઈન સાથે ડસ્ટ ફ્રી હશે.
46 કરોડના ખર્ચે 16 નવા બગીચા બનશે તથા 26 બગીચાનું નવીનીકરણ થશે
31 કરોડના ખર્ચે 24 લેક ગાર્ડનનું ડેવલપમેન્ટ કરાશે
એસજી હાઈવેનું 600 કરોડ રૂપિયા ખર્ચે આઈકોનિક ડેવલપમેન્ટ થશે
શહેરના 8 રસ્તાને 250 કરોડના ખર્ચે આઈકોનિક રોડ બનાવાશે
શહેરના 13 રસ્તાને 250 કરોડના ખર્ચે મોડેલ રોડ બનાવાશે
રીંગરોડ પર 980 કરોડના ખર્ચે 4 મલ્ટી મોડલ ટ્રાન્સપોર્ટ હબ બનશે
આઉટર રીંગ રોડ પર 630 કરોડના ખર્ચે બસ પોર્ટ બનશે
સિટી એન્ટ્રી ગેટ માટે 50 કરોડ રૂપિયા
સિંધુ ભવન રોડ પર સિટી સ્કવેર માટે 692 કરોડ રૂપિયા
નાના ચીલોડાથી સનાથલ સુધી 660 કરોડના ખર્ચે 26.6 કિમીનો નોર્થ સાઉથ કોરીડોર બનશે
775 કરોડ રૂપિયાના ખર્ચે 5 રેલવે ઓવર બ્રીજ બનશે
225 કરોડ રૂપિયાના ખર્ચે 3 ફ્લાયઓવર બનશે
272 કરોડ રૂપિયાના ખર્ચે સુભાષબ્રિજના નવીનીકરણ થશે.
શહેરને વાયર ફ્રી બનાવવા માટે 100 કરોડ ખર્ચાશે. અન્ડરગ્રાઉન્ડ યુટિલિટી ડક્ટ નખાશે.
100 કરોડના ખર્ચે AIથી ચાલતી સ્માર્ટ સ્ટ્રીટ લાઈટિંગ સિસ્ટમ નખાશે
26 સ્મશાનગૃહમાં 5 કરોડના ખર્ચે એર પ્યુરીફિકેશન સિસ્ટમ (ચીમની) લગાવાશે
899 કરોડના ખર્તે એડેપ્ટીવ ટ્રાફિક કન્ટ્રોલ સિસ્ટમ
રોડ માર્કિંગ, રોડ સાઈનેજીસ અને સાઈન બોર્ડ માટે 36 કરોડ રૂપિયા
100 ટ્રાફિક જંક્શનની ડિઝાઈન માટે 10 કરોડ રૂપિયા
30 નવા ટ્રાફિક જંક્શન બનાવવા માટે 7.50 કરોડ રૂપિયા

વધુ વાંચો

સ્થાનિક સમાચાર

ભાજપનું નૂતન વર્ષ સ્નેહમિલન યોજાયું, CM ભૂપેન્દ્ર પટેલે કાર્યકરોને આપ્યો ખાસ સંદેશ, 22 નવેમ્બરે મોટું આયોજન

ગાંધીનગર : દિવાળી અને નવા વર્ષના પર્વ નિમિત્તે ગુજરાત ભાજપ દ્વારા આજે પ્રદેશ કક્ષાના સ્નેહમિલન સમારોહનું આયોજન કરવામાં આવ્યું હતું. ગાંધીનગર ખાતે ભાજપના પ્રદેશ...

અંબાજી-આબુ જતા વાહનચાલકો ધ્યાન આપો! PM મોદીની મુલાકાતને પગલે 13-14 નવેમ્બર સુધી આ માર્ગો રહેશે બંધ, જાણો વૈકલ્પિક રૂટ

અંબાજી : વડાપ્રધાન નરેન્દ્ર મોદી 13 અને 14 નવેમ્બરના રોજ ગુજરાતના પ્રવાસે આવી રહ્યા છે. આ દરમિયાન તેઓ બનાસકાંઠાના પ્રસિદ્ધ યાત્રાધામ અંબાજીની મુલાકાત લેશે....

PM મોદી 13 અને 14 નવેમ્બરે ગુજરાતના પ્રવાસે : લાભ પાંચમે અંબાજી ખાતે માતાજીનાં દર્શન કરી પૂજા-અર્ચના કરશે

અંબાજી : વડાપ્રધાન નરેન્દ્ર મોદી આગામી 13 અને 14 નવેમ્બરના રોજ ગુજરાતના બે દિવસીય પ્રવાસે આવી રહ્યા છે. આ બે દિવસીય પ્રવાસ દરમિયાન તેઓ...

ગાંધીનગરમાં ગિફ્ટ સિટી નજીક મેટ્રો ટ્રાયલ રનમાં ‘બ્રેક’, કેમ અચાનક અટકી કામગીરી?

ગાંધીનગર : GMRC સંચાલિત મેટ્રો રેલ પ્રોજેક્ટના ટ્રાયલ રન દરમિયાન અચાનક એક મોટી ટેકનિકલ ક્ષતિ સર્જાવાની ઘટના સામે આવી છે.શુક્રવારે (નવમી ઓક્ટોમ્બર) સવારે ગાંધીનગરમાં...

ભાદરવી પૂનમના મહામેળાનો આજે છેલ્લો દિવસ; 40 લાખનો આંકડો પાર, જય અંબેના નાદથી ગુંજી ઊઠ્યું અંબાજી

અંબાજી : શક્તિ, ભક્તિ અને આસ્થાના મહાકુંભ સમાન ભાદરવી પૂનમના ભાદરવી મહામેળાની આજે ભવ્ય પૂર્ણાહુતિ થઈ રહી છે. સાત દિવસીય મેળાના અંતિમ દિવસે વહેલી...

ભાદરવી પૂનમ મહામેળાના બીજા દિવસે અંબાજીમાં ભક્તોનો અવિરત પ્રવાહ, 4.25 લાખથી વધુ માઈભક્તો દર્શનાર્થે

અંબાજી : અંબાજીમાં ભાદરવી પૂનમના મહામેળાનો આજે બીજો દિવસ છે. મહામેળાના બીજા દિવસે પણ અંબાજીમાં મોટી સંખ્યામાં માઈભક્તો ઉમટી રહ્યા છે. વહેલી સવારથી જ...

ભાદરવી પૂનમ મહામેળાના પ્રથમ દિવસે ‘જય અંબે’ના જયઘોષથી ગુંજી ઉઠ્યું અંબાજી, 4.5 લાખ શ્રદ્ધાળુઓએ કર્યા દર્શન

અંબાજી : આસ્થા,ભક્તિ અને શક્તિના પવિત્ર ત્રિવેણી સંગમ સમા જગતજનની મા અંબાના પાવન ધામ અંબાજી ખાતે આજથી પરંપરાગત અને વિશ્વપ્રસિદ્ધ ભાદરવી પૂનમ મહામેળો-2026નો ભવ્ય...

જન્માષ્ટમી પર્વે સોમનાથ મહાદેવને અલૌકિક ‘કૃષ્ણ દર્શન શૃંગાર’ કરાયો ; 2 કરોડના સુવર્ણ મુગટથી મહાદેવને કરાયા અલંકૃત

સોમનાથ : પ્રથમ જ્યોતિર્લિંગ એવા ગીર સોમનાથ સ્થિત શ્રી સોમનાથ મહાદેવ મંદિરમાં જન્માષ્ટમીના પાવન પર્વ નિમિત્તે અત્યંત અલૌકિક અને મનમોહક ‘કૃષ્ણ દર્શન શૃંગાર’ કરવામાં...