અમદાવાદ : શહેરનું કાંકરિયા લેકફ્રન્ટ પ્રવાસીઓનું પસંદગીનું સ્થળ રહ્યું છે. લેકફ્રન્ટમાં લાઈટ એન્ડ સાઉન્ડ શો સહિત 15 કરોડના ખર્ચે કેન્ડી વર્લ્ડનું નિર્માણ કરવામાં આવશે. અમદાવાદ મ્યુનિસિપલ કોર્પોરેશનની મળેલી સ્ટેન્ડિંગ કમિટીની બેઠકમાં શહેરના શહેરી વિકાસ, પુનઃપ્રાપ્ય ઊર્જા અને પ્રવાસન પ્રોત્સાહનલક્ષી અનેક મહત્વપૂર્ણ દરખાસ્તોને મંજૂરી આપવામાં આવી હતી.
સ્ટેન્ડિંગ કમિટીના ચેરમેન દેવાંગ દાણીએ જણાવ્યું હતું કે, પ્રવાસન સ્થળોને વધુ મુલાકાતી-ફ્રેન્ડલી બનાવવા માટે બજેટની જોગવાઈઓ મંજૂર કરવામાં આવી છે, જેના માટે રાજ્ય સરકાર દ્વારા જરૂરી ખર્ચને પણ મંજૂરી આપી દેવામાં આવી છે. રાજ્યમાં પ્રવાસન સ્થળોને વેગ મળે તે માટે AMCના કાંકરિયા તળાવ, અટલ બ્રિજ, સાબરમતી રિવરફ્રન્ટ, જગન્નાથ મંદિર અને સ્વામિનારાયણ મંદિર જેવા સ્થળોને ડેવલોપ કરવામાં આવે તે માટેની કમિટીએ મંજૂરી આપી છે.
કાંકરિયા લેકફ્રન્ટ પરિસરમાં AMC દ્વારા 4133 ચો.મી. વિસ્તારમાં બાળકો માટે રૂપિયા 10 કરોડના ખર્ચે કેન્ડી મ્યુઝિમ બનાવવાની મંજૂરી આપી દેવામાં આવી છે. જેમાં થીમ આધારિત પ્રવેશ દ્વારા, ટિકિટ ઝોન, ફૂડ ઝોન સહિતની સુવિધાઓ ઊભી કરવામાં આશે. મુલાકાતીઓ માટે અલગ પ્રવેશ દ્વારા અને બહાર નીકળવાના સુવ્યવસ્થિત આયોજન કરવામાં આવશે. અંદાજે એક વર્ષમાં કેન્ડી વર્લ્ડ નામનું થીમ આધારિત મનોરંજન પાર્ક બનશે.
આ ઉપરાંત AMC દ્વારા રૂપિયા 5.54 કરોડના ખર્ચે મલ્ટીમીડિયા મ્યુઝિકલ ફાઉન્ટેન શો વિકસાવવામાં આવશે. જે અંતર્ગત પાણીના ફુવારા, સંગીત, લાઈટિંગ અને દૃશ્ય પ્રોજેક્ટશનના સંકલનથી તૈયાર થનારા આ વિશિષ્ટ ઝોનમાં પાણીના પડદા પર દૃશ્યાવલિ રજૂ કરવામાં આવશે. જેમાં 15-15 મિનિટના ચાર જુદા જુદા થીમ આધારિત શો સાંજે 7 વાગ્યા બાદ નિહાળી શકાશે.
ચોકલેટ મોન્યુમેન્ટ, ફોટોગ્રાફી માટે પ્લેસ, ફેન્ટેસી વર્લ્ડ ઉપરાંત બબલ બ્લાસ્ટ, ગેમઝોન, થીમ આધારિત ફૂડ કીઓસ્ક, મિલ્કી વે ગ્લેક્સીમાં દોરડાથી બનેલું પ્લે ગ્રાઉન્ડ, સેન્સરી અનુભવ આપતી રમતો, રેઈનબો સ્લાઈડ, ઈમર્સિવ રાઈડ, ડાર્ક રાઈડ, નીઓન પિકલ બોલ, ફન રાઈડ