અમદાવાદમાં કમળનું ધુરંધર પ્રદર્શન, ભાજપની સ્થિતિ જૈસે થે, કોંગ્રેસને ફાયદો; જાણો કયા વોર્ડમાં કોણ જીત્યું ?

અમદાવાદ : ગુજરાતના રાજકીય ફલક પર સ્થાનિક સ્વરાજ્યની ચૂંટણીના પરિણામો બાદ એક વાત સ્પષ્ટ થઈ ગઈ છે કે રાજ્યની જનતાનો મિજાજ હજુ પણ ભારતીય જનતા પાર્ટીની તરફેણમાં છે. વર્ષ 2021 ની ચૂંટણીમાં ભાજપ દ્વારા આપવામાં આવેલું સૂત્ર ‘ગુજરાત છે મક્કમ, ભાજપ સાથે અડીખમ’ આજે 2026 માં પણ સંપૂર્ણપણે સાર્થક સાબિત થયું છે.

રિપોર્ટ મુજબ, અમદાવાદમાં ભાજપ પોતાનો ગઢ સાચવવામાં સફળ રહ્યું છે, પરંતુ આ વચ્ચે એક હાર ભાજપને ખૂબ ખૂંચી જશે. ઇતિહાસમાં પહેલીવાર ખાડિયામાં ભાજપની હાર થઇ છે અને કોંગ્રેસના ચારેય ઉમેદવારોની જીત થઇ છે. આ બેઠક વિવાદાસ્પદ નિવેદનોને કારણે ભારે ચર્ચામાં રહી હતી. જોકે, ભાજપની હાર થતાં આ વોર્ડે સૌ કોઇનું ધ્યાન ખેંચ્યું છે. અમદાવાદ મ્યુનિસિપલ કોર્પોરેશનની કુલ 192 બેઠકમાંથી 160 ભારતીય જનતા પાર્ટી અને 32 બેઠક કોંગ્રેસના ફાળે રહી છે. ભાજપની બેઠક જેમની તેમ રહી છે, જ્યારે કોંગ્રેસને આઠ બેઠકનો ફાયદો મળ્યો છે.

અમદાવાદમાં કયા વોર્ડમાં કોની જીત થઈ?