અમદાવાદ : અમદાવાદીઓને વધુ એક નજરાણું મળવા જઈ રહ્યું છે. સામાન્ય રીતે હિન્દી ફિલ્મોમાં જોવા મળતી ક્રુઝ બોટની મજા હવે સાબરમતી રિવરફ્રન્ટ પર પણ માણી શકાશે. મીડિયા રિપોર્ટ મુજબ આગામી એપ્રિલના પ્રથમ અઠવાડિયાથી રિવરફ્રન્ટના સાબરમતી નદીમાં ફ્લોટિંગ રેસ્ટોરેન્ટ ક્રુઝ શરુ થવા જઈ રહ્યું છે. આ ક્રુઝના અલગ અલગ ભાગો અમદાવાદ પહોંચી ગયા છે અને આગામી ત્રણ મહિનામાં તેને એસેમ્બલ કરવામાં આવશે.
અહીં ક્રુઝમાં બેસવા માટે ફૂડ ઓર્ડર કરવો ફરજીયાત રહેશે. સમગ્ર દિવસ દરમિયાન આ ક્રુઝ કાર્યરત રહેશે. સાથે મ્યુઝિકલ થીમનો પણ અહીં આવનારા લોકો લાભ લઇ શકશે.ક્રુઝ રિવરફ્રન્ટના નજારોનો લોકો લાભ લઇ શકે અને પ્રકૃતિ સાથે જોડાઈ શકે તેવો અનુભવ આપતી રેસ્ટોરેન્ટની સુવિધા આપશે.
આ ક્રુઝમાં 125-150 લોકો એક સાથે સવાર થઇ શકશે. જો કે આ માટે લોકોએ કેટલો ચાર્જ આપવો પડશે તે હજી નક્કી કરવામાં આવ્યું નથી. આ ક્રુઝમાં લોકો મિનિમમ 30-45 મિનીટ બેસીને ફરી શકશે. જુદી જુદી સેવાઓનો ચાર્ટ તેના ચાર્જ સાથે ટૂંક સમયમાં જાહેર કરવામાં આવશે.