અમદાવાદ : તાજેતરમાં ગુજરાતના ઇતિહાસનો સૌથી મોટા ક્રિકેટ સટ્ટાનો પર્દાફાશ અમદાવાદ ક્રાઈમ બ્રાન્ચે કર્યો હતો.અમદાવાદ સાયબર ક્રાઈમને હાલમાં ચાલી રહેલી વુમન્સ ક્રિકેટ મેચ પર સટ્ટો રમાવાની બાતમી અમદાવાદ સાયબર ક્રાઇમને મળી હતી.અમદાવાદ સાયબર ક્રાઈમે એક આરોપીને મોબાઈલ એપ્લિકેશન મારફતે સટ્ટો રમતા ઝડપી લીધો છે.
એક રિપોર્ટ મુજબ હાલમાં રમાઈ રહેલા ટી20 વુમન્સ વર્લ્ડ કપમાં ભારતીય ટીમનું શાનદાર પર પ્રદર્શન રહ્યું છે. મહિલા ક્રિકેટને ખૂબ સરાહના મળી રહી છે. ત્યારે આ વુમન ક્રિકેટના લાઈવ ટેલિકાસ્ટ પર સટોડીયાઓ રમી રહ્યા હતા. જે અંગેની બાતમી અમદાવાદ સાયબર ક્રાઇમને મળી હતી. અમદાવાદ શાહીબાગ વિસ્તારમાં બાતમીના આધારે રાજસ્થાન હોસ્પિટલ પાસે મોબાઈલમાં એપ્લિકેશન ડાઉનલોડ કરીને સટ્ટો રમી રહેલા હિતેશ તહેલીયાણીની ધરપકડ કરી હતી.
પોલીસે તેની અટકાયત કરી ત્યારે તેના ફોનની અંદર સટ્ટો રમવા માટેની વિનસ એપ્લિકેશન ડાઉનલોડ હતી. તે પોતાના આઈડી દ્વારા સટ્ટો રમી રહ્યો હતો. ભારત અને ઓસ્ટ્રેલિયા વચ્ચે રમાઈ રહેલી મેચ પર આ સટોડિયા સટ્ટો રમી રહ્યો હતો. હાલ પોલીસે આરોપીની ધરપકડ કરી છે અને એપ્લિકેશનના ઓપરેટરને શોધવા માટે પ્રયાસો શરૂ કર્યા છે.